આખો દિવસ ACમાં રહેતા હો તો સાવધાન!!! જટિલ બીમારીઓ કરશે ઘર

ગરમી અને તડકાથી રાહત મેળવવા માટે લોકો એસીનો સહારો લે છે. આજના સમયમાં, મોટાભાગના લોકો માટે AC વગરના જીવનની કલ્પના કરવી થોડી મુશ્કેલ હોઈ શકે છે. શું તમે જાણો છો કે આધુનિક જીવનમાં આરામની ખાતરી આપતું આ એસી અજાણતાં તમારા સ્વાસ્થ્ય માટે ઘણા જોખમો પેદા કરી રહ્યું છે? જે લોકો ગરમીથી બચવા માટે આખો દિવસ ACની હવામાં વિતાવે છે, તેઓ માથાનો દુખાવો, ઉધરસ, ઉબકા અને શુષ્ક ત્વચા જેવી ઘણી સમસ્યાઓથી પીડાઈ શકે છે. ચાલો જાણીએ કે AC હવામાં વધુ સમય રહેવાથી સ્વાસ્થ્યને શું નુકસાન થાય છે.

લાંબા સમય સુધી AC હવામાં રહેવાના ગેરફાયદા-

ડિહાઇડ્રેશન-
લાંબા સમય સુધી AC હવામાં રહેવાથી વ્યક્તિમાં ડિહાઇડ્રેશન થઈ શકે છે. તમને જણાવી દઈએ કે લાંબા સમય સુધી AC હવામાં બેસી રહેવાથી વ્યક્તિને તરસ લાગતી નથી. જેના કારણે શરીરમાં પાણીની ઉણપ થઈ શકે છે. શરીરમાં પાણીની ઉણપને કારણે, ડિહાઇડ્રેશનને કારણે માથાનો દુખાવો અને માઈગ્રેનની સમસ્યા વધી શકે છે.

શુષ્ક ત્વચા-
લાંબા સમય સુધી AC હવામાં રહેવાથી શરીરમાં રહેલો ભેજ ગાયબ થવા લાગે છે. જેના કારણે ત્વચા શુષ્ક, તિરાડ અને સંકોચાઈ જાય છે. જેના કારણે કરચલીઓ અને બારીક રેખાઓ દેખાવાની સાથે વૃદ્ધત્વની પ્રક્રિયા ઝડપથી વધવા લાગે છે.

સાંધામાં દુખાવો-

લાંબા સમય સુધી એર કન્ડીશનરમાં રહેવાથી શરીરમાં દુખાવો અને સાંધાનો દુખાવો જેવી સમસ્યાઓ થાય છે. ઠંડી હવા શરીરમાં ખેંચાણનું કારણ બને છે અને સાંધા અને કમરમાં દુખાવો થાય છે. ધ કમ્ફર્ટ એકેડેમી દ્વારા કરવામાં આવેલા એક સંશોધનમાં જાણવા મળ્યું છે કે સાંધાના દુખાવાથી પીડાતા લોકો માટે, લાંબા સમય સુધી એર કન્ડીશનરમાં રહેવાથી દુખાવાની સમસ્યા વધે છે.

આંખોમાં ડ્રાયનેસ

એસીની હવાનાં કારણે આંખો પણ ડ્રાય થઈ જાય છે. તેના કારણે અનેક સમસ્યાઓ થઇ શકે છે. શુષ્ક આંખો ખંજવાળ અને બળતરાનું કારણ બની શકે છે. આનાથી આંખો લાલ થઈ શકે છે, દ્રષ્ટિ ઝાંખી પડી શકે છે, આંખમાં દુખાવો અને તાણ થઈ શકે છે, અથવા આંખના ઇન્ફેકશનનું જોખમ વધી શકે છે.

શરીરમાં તેલના ઉત્પાદનમાં ઘટાડો

એસી હવાને કારણે શરીરનું કુદરતી તેલ ઓછું થવા લાગે છે. આના કારણે શરીરમાં પરસેવો ઓછો થવા લાગે છે અને સ્કિનના કોષોને નુકસાન થવા લાગે છે. ડ્રાય સ્કિન અનેક પ્રકારની સમસ્યાઓનું કારણ બની શકે છે, જેમ કે ખરજવું અથવા સોરાયસિસ. એસીની હવા સ્કિન પર કરચલીઓ અને વૃદ્ધત્વ જેવી સમસ્યાઓનું કારણ બને છે.

મગજ પર ખરાબ અસર-
જ્યારે AC નું તાપમાન ઘટે છે, ત્યારે મગજના કોષો સંકોચાય છે. જેના કારણે મગજની ક્ષમતા અને કાર્યપ્રણાલી પ્રભાવિત થાય છે. એટલું જ નહીં, તમને સતત ચક્કર આવવા અને માથાનો દુખાવો થવાની સમસ્યા પણ થઈ શકે છે.