કોટામાં વધુ એક વિદ્યાર્થીની આત્મહત્યા: ચાલુ મહિનામાં આવો ત્રીજો બનાવ

કોટા શહેરમાં કોચિંગના વધુ એક વિદ્યાર્થીએ આત્મહત્યા કરી હોવાના દુ:ખદ સમાચાર સામે આવ્યા છે. મળતી માહિતી મુજબ વિદ્યાર્થીએ પોતાના જ રૂમમાં ફાંસી લગાવીને આત્મહત્યા કરી લીધી છે. વિદ્યાર્થીની ઉંમર માત્ર 18 વર્ષની હતી અને તે કોટાના વિજ્ઞાન નગર વિસ્તારમાં રહેતી વખતે NEETની તૈયારી કરી રહી હતી.

18 વર્ષીય વિદ્યાર્થી ઓરિસ્સાનો રહેવાસી હતો. માહિતી બાદ વિજ્ઞાનનગર પોલીસ સ્ટેશન ઘટનાસ્થળે પહોંચી અને મૃતદેહને નીચે ઉતારીને હોસ્પિટલના શબઘરમાં રાખ્યો. પોલીસે માહિતી આપી હતી કે નવા વર્ષના માત્ર બે અઠવાડિયામાં કોચિંગ વિદ્યાર્થીઓની આત્મહત્યાનો આ ત્રીજો મામલો છે.

વર્ષ 2025ની શરૂઆતમાં કોટામાં ત્રણ વિદ્યાર્થીઓના આત્મહત્યાના સમાચાર સામે આવ્યા છે. હાલમાં જ હરિયાણાના રહેવાસી નીરજે મોતને ભેટી હતી. નીરજ NEET JEEની તૈયારી કરી રહ્યો હતો અને તે માત્ર 19 વર્ષનો હતો. આ પછી મધ્યપ્રદેશના ગુનાના રહેવાસી અભિષેકે પણ આત્મહત્યા કરી લીધી.

નોંધનીય છે કે, વર્ષ 2024માં કોટામાં કુલ 19 વિદ્યાર્થીઓએ આત્મહત્યા કરી હતી, જ્યારે વર્ષ 2023માં કુલ 29 વિદ્યાર્થીઓએ આત્મહત્યા કરી હતી.