દિલ્હી-મુંબઇમાં શરૂ થશે એર ટેક્સી, DGCAની લીલીઝંડી

શહેરના ભીડભાડવાળા રસ્તાઓ પર અટવાતી વખતે, આ વિચાર ચોક્કસપણે આપણા મનમાં આવે છે કે જો આપણે ઉડીને આપણા ગંતવ્ય સુધી પહોંચી શકીએ તો તે ખૂબ સરસ રહેશે. તો હવે થોડી ધીરજ રાખો કારણ કે તમારું સપનું બહુ જલ્દી પૂરું થવાનું છે.દિલ્હી અને મુંબઈ જેવા મેટ્રો શહેરોમાં ટૂંક સમયમાં એર ટેક્સીની સુવિધા આવવા જઈ રહી છે. એવિએશન સેક્ટર રેગ્યુલેટર DGCAએ વર્ટીપોર્ટ્સ નિયમોને લીલી ઝંડી આપી દીધી છે. આ પછી, એવો અંદાજ છે કે વર્ષ 2026 થી દેશમાં એર ટેક્સીઓનું સંચાલન શરૂૂ થશે.
ડિરેક્ટોરેટ જનરલ ઓફ સિવિલ એવિએશનના નિયમો અનુસાર આ એર ટેક્સીઓ માટે વર્ટીપોર્ટ બનાવવામાં આવશે. આ વર્ટીપોર્ટ્સને એવી રીતે ડિઝાઇન કરવામાં આવશે કે એર ટેક્સીઓ અહીંથી વર્ટિકલ ટેક ઓફ અને લેન્ડિંગ (VTOL) કરી શકે. આ વર્ટીપોર્ટ એરપોર્ટની તર્જ પર બનાવવામાં આવશે.

એર ટેક્સી શરૂૂ કરવાનો પહેલો પ્રયાસ દેશની સૌથી મોટી એરલાઈન ઈન્ડિગોની પેરેન્ટ કંપની ઈન્ટરગ્લોબ એન્ટરપ્રાઈઝ દ્વારા કરવામાં આવ્યો છે. તેણે કેલિફોર્નિયાની કંપની આર્ચર એવિએશન સાથે તેમના વિટોલ એરક્રાફ્ટ મિડનાઈટને ખરીદવા માટે કરાર પર હસ્તાક્ષર કર્યા છે. આર્ચર એવિએશન એ ઇલેક્ટ્રિક એર ટેક્સી ઉત્પાદક છે. ઈન્ડિગોએ 1 બિલિયન ડોલરનું રોકાણ કરીને 200 મિડનાઈટ એરક્રાફ્ટનો સોદો કર્યો છે.

ડીજીસીએના જણાવ્યા મુજબ, તેઓએ વર્ટીપોર્ટ માટે નિયમો ઘડવા માટે તમામ હિતધારકો સાથે વ્યાપક ચર્ચા કરી છે. નિયમો અનુસાર, વર્ટીપોર્ટ માટે ઈન્ફ્રાસ્ટ્રક્ચર, એર ટેક્સી ઓપરેશનલ ગાઈડલાઈન્સ, બેટરી ચાર્જિંગ, પાર્કિંગ, લેન્ડિંગ અને ઈમરજન્સી રિસ્પોન્સ માટેની માર્ગદર્શિકા નક્કી કરવામાં આવી છે. આ તમામ નિયમોનું પાલન કર્યા બાદ જ વર્ટીપોર્ટને ક્લિયરન્સ આપવામાં આવશે. રિપોર્ટ અનુસાર દિલ્હીમાં પહેલી એર ટેક્સી શરૂૂ થઈ શકે છે. આ પછી મુંબઈ, બેંગલુરુ, હૈદરાબાદ અને ચેન્નાઈમાં પણ આ સુવિધા આપવામાં આવશે.