હિન્દુ છોકરીઓ પર દુષ્કર્મ અને બ્લેકમેલ કરવાના આરોપીનું એન્કાઉન્ટરમાં મોત
મધ્યપ્રદેશની રાજધાની ભોપાલમાં હિન્દુ છોકરીઓ પર ગેંગરેપ, બ્લેકમેઇલિંગ અને પલવ જેહાદથના ગંભીર કેસમાં મુખ્ય આરોપી ફરહાનનું એન્કાઉન્ટર થયું છે. આરોપી ફરહાને પોલીસ કસ્ટડીમાંથી ભાગવાનો પ્રયાસ કર્યો હતો, જે દરમિયાન તેના પગમાં ગોળી વાગી હતી. ગોળી વાગ્યા બાદ ફરહાનને હમીદિયા હોસ્પિટલમાં દાખલ કરવામાં આવ્યો હતો. લવ જેહાદ કેસમાં કુલ 5 એફઆઈઆર દાખલ કરવામાં આવી છે, જેમાં લગભગ બધી એફઆઈઆરમાં ફરહાન આરોપી છે.
ભોપાલ ઝોન-1 ના ડીસીપી પ્રિયંકા શુક્લાએ ઘટનાની પુષ્ટિ કરતા કહ્યું કે અશોકા ગાર્ડન પોલીસ સ્ટેશનની એક ટીમ પુરાવા એકત્રિત કરવા માટે ફરહાનને બિલકીસગંજ ગામમાં લઈ જઈ રહી હતી.
રસ્તામાં ફરહાને ટોઇલેટ જવાના બહાને કાર રોકી અને પરિસ્થિતિનો લાભ લઈને સબ-ઇન્સ્પેક્ટરની પિસ્તોલ છીનવી લેવાનો પ્રયાસ કર્યો. ઝપાઝપી દરમિયાન, પોલીસ પિસ્તોલમાંથી એક ગોળી ચલાવવામાં આવી જે ફરહાનના પગમાં વાગી. ઘાયલ ફરહાનને તાત્કાલિક હમીદિયા હોસ્પિટલમાં દાખલ કરવામાં આવ્યો હતો અને આ મામલાની વધુ તપાસ ચાલી રહી છે.
અશોકા ગાર્ડન પોલીસ સ્ટેશનના ઇન્ચાર્જ હેમંત શ્રીવાસ્તવે જણાવ્યું કે આ ઘટના શુક્રવારે રાત્રે 11.30 વાગ્યાની આસપાસ બની હતી. તેમણે કહ્યું કે જ્યારે ફરહાન રાતીબાડ વિસ્તારમાં શૌચાલયનો ઉપયોગ કરવા માટે પોલીસ વાહનમાંથી નીચે ઉતર્યો ત્યારે તેની સાથે એક સબ-ઇન્સ્પેક્ટર અને એક કોન્સ્ટેબલ પણ નીચે ઉતર્યા. આ દરમિયાન, ફરહાને એસઆઈની સર્વિસ રિવોલ્વર છીનવી લેવાનો પ્રયાસ કર્યો અને ભાગવાનો પ્રયાસ કર્યો. ઝપાઝપી દરમિયાન ગોળી ફરહાનના જમણા પગમાં વાગી.
પોલીસ પૂછપરછ દરમિયાન, આરોપી ફરહાને કહ્યું હતું કે તેને પોતાના કૃત્યોનો કોઈ પસ્તાવો નથી કારણ કે તેણે સવાબ (સારું કામ) કર્યું હતું.
રિમાન્ડ સમયગાળા દરમિયાન ફરહાનની પૂછપરછ દરમિયાન, તેણે ખુલાસો કર્યો કે તેણે કોલેજમાં તેની ઉંમરના મુસ્લિમ છોકરાઓની એક ગેંગ બનાવી હતી, જે ફક્ત હિન્દુ છોકરીઓ સાથે જ મિત્રતા અને પ્રેમ સંબંધો બનાવતા હતા. આ ગેંગમાં કડક નિયમ હતો કે કોઈ પણ મુસ્લિમ છોકરી સાથે પ્રેમ સંબંધ રાખશે નહીં.
એકવાર હિન્દુ છોકરી સાથે પ્રેમ સંબંધ સ્થાપિત થઈ ગયા પછી, તેને હુક્કા લાઉન્જ, પબ અથવા ગેંગના સભ્યોના ભાડાના રૂૂમમાં લઈ જવામાં આવતી હતી. ત્યાં નશાની હાલતમાં તેમની સાથે બળાત્કાર ગુજારવામાં આવતો હતો. અને તેનો વીડિયો બનાવ્યા બાદ, બ્લેકમેઇલિંગ દ્વારા અન્ય છોકરીઓ સાથે મિત્રતા કરવા દબાણ કરવામાં આવ્યું હતું.