હરિયાણામાં શ્રદ્ધાળુઓની વાનને ટ્રકે ઉલાળતાં 7નાં મોત

જીંદના નરવાના પાસેનો બનાવ, 8ની હાલત ગંભીર

જીંદમાં એક દુ:ખદ અકસ્માતમાં, ત્રણ મહિલાઓ સહિત સાત શ્રદ્ધાળુઓના ઘટનાસ્થળે જ મોત નીપજ્યાં. આ અકસ્માત રાત્રે 12.30 વાગ્યાની આસપાસ થયો હતો. બિરધાણા ગામ પાસે, એક ઝડપભેર ટ્રકે ટાટા મેજિકને પાછળથી ટક્કર મારી હતી, જેના કારણે મેજિક વાહન રોડ પરથી પલટી ખાઈ ગયું હતું અને ખાડાઓમાં ખાબક્યું હતું.

જીંદના નરવાના પાસે એક દુ:ખદ અકસ્માત થયો હતો, જેમાં એક ટ્રકે ભક્તોથી ભરેલી ટાટા મેજિકને ટક્કર મારી હતી. આ અકસ્માતમાં ત્રણ મહિલાઓ સહિત સાત શ્રદ્ધાળુઓના ઘટનાસ્થળે જ મોત થયા હતા, જ્યારે અન્ય 8 લોકો ગંભીર રીતે ઘાયલ થયા હતા. ઘાયલોને નરવાના સિવિલ હોસ્પિટલમાં સારવાર આપવામાં આવી રહી છે, જ્યાંથી તેમને અગ્રોહા મેડિકલ કોલેજમાં રિફર કરવામાં આવ્યા છે.

દુર્ઘટના સોમવારે રાત્રે લગભગ 12:30 વાગ્યે થઈ હતી, જ્યારે કુરુક્ષેત્રના મરખેડી ગામના 15 ભક્તો ટાટા મેજિકમાં રાજસ્થાનના ગોગામેડી ધામમાં પૂજા કરવા જઈ રહ્યા હતા. બિરધાણા ગામ પાસે, એક ઝડપભેર ટ્રકે ટાટા મેજિકને પાછળથી ટક્કર મારી હતી, જેના કારણે મેજિક વાહન રોડ પરથી પલટી ખાઈ ગયું હતું અને ખાડાઓમાં ખાબક્યું હતું. અથડામણ બાદ વાહનમાં મુસાફરી કરી રહેલા શ્રદ્ધાળુઓ ખરાબ રીતે ફસાઈ ગયા હતા અને સ્થળ પર હોબાળો મચી ગયો હતો.રાહદારીઓએ સ્થળ પર પહોંચીને મદદ કરવાનો પ્રયાસ કર્યો હતો, પરંતુ અંધકારને કારણે તેઓ સફળ થઈ શક્યા ન હતા.

માહિતી મળ્યા બાદ નરવાના પોલીસ સ્ટેશન સદર ઘટનાસ્થળે પહોંચી અને સ્થાનિક લોકોની મદદથી ઘાયલોને બહાર કાઢ્યા. ઘાયલોને તાત્કાલિક સિવિલ હોસ્પિટલમાં લઈ જવામાં આવ્યા હતા, જ્યાં ડોક્ટરોએ 7 લોકોને મૃત જાહેર કર્યા હતા. મૃતકોમાં 50 વર્ષીય રૂૂકમણી, 35 વર્ષીય કામિની, 55 વર્ષીય તેજપાલ, 50 વર્ષીય સુરેશ, 50 વર્ષીય પરમજીત અને 50 વર્ષીય મુક્તિનો સમાવેશ થાય છે. હજુ એક મૃતકની ઓળખ થઈ શકી નથી. પોલીસે ટ્રકનો કબજો મેળવી તપાસ શરૂૂ કરી છે.