બિહારની મતદાર યાદીમાંથી 35 લાખ નામો નીકળી જશે

12.55 લાખ મૃત મતદારો મળ્યા: 17 લાખથી વધુ અન્ય જગ્યાએ કાયમી સ્થળાંતરિત થયા, 5.76 લાખ એકથી વધુ જગ્યાએ નોંધાયેલા હોવાથી તેમના નામ કાઢી નખાયા

વિધાનસભા ચૂંટણી પહેલા બિહારમાં મતદાર યાદીનું ખાસ સઘન પુનરાવર્તન (SIR) અભિયાન ચાલી રહ્યું છે. અત્યાર સુધીની પ્રક્રિયા હેઠળ, 35 લાખથી વધુ મતદારોના નામ યાદીમાંથી દૂર કરવાની તૈયારી છે. આમાં એવા લોકોનો સમાવેશ થાય છે જેઓ કાં તો મૃત મળી આવ્યા છે, કાયમી ધોરણે અન્ય સ્થળોએ સ્થળાંતરિત થયા છે અથવા જેમના નામ એક કરતાં વધુ જગ્યાએ છે. ચૂંટણી પંચે સોમવારે જણાવ્યું હતું કે બિહારમાં મતદાર યાદીના ખાસ સઘન પુનરાવર્તન દરમિયાન અત્યાર સુધીમાં 83.66 ટકા મત ગણતરી ફોર્મ પ્રાપ્ત થયા છે.

પંચ અનુસાર, અત્યાર સુધીના ડેટા દર્શાવે છે કે 1.59 ટકા (12,55,620) મતદારો મૃત મળી આવ્યા છે, જ્યારે 2.2 ટકા (17,37,336) મતદારો કાયમી ધોરણે અન્ય સ્થળોએ સ્થળાંતરિત થયા છે. આ ઉપરાંત, 0.73 ટકા (5,76,479) મતદારો એક કરતાં વધુ જગ્યાએ નોંધાયેલા જોવા મળ્યા છે.

કમિશનના જણાવ્યા અનુસાર, આ આંકડાઓના આધારે, કુલ 35,69,435 નામ મતદાર યાદીમાંથી દૂર કરવામાં આવશે. આ સંખ્યા અંતિમ નથી અને આગામી દિવસોમાં તેમાં વધારો થવાની શક્યતા છે, કારણ કે ફોર્મ ભરવાની પ્રક્રિયા હજુ પણ ચાલુ છે.

કમિશનએ જણાવ્યું હતું કે, રાજ્યના કુલ 7,89,69,844 મતદારોમાંથી 6,60,67,208 મતદારોના ફોર્મ અત્યાર સુધી પ્રાપ્ત થયા છે. હવે ફક્ત 11.82 ટકા મતદારો બાકી છે, જેમના ફોર્મ ભરવાની પ્રક્રિયા પૂર્ણ કરવાની બાકી છે. મતગણતરી ફોર્મ સબમિટ કરવાની છેલ્લી તારીખ સુધી હજુ 11 દિવસ બાકી છે. હવે ફક્ત 11.82 ટકા મતદારોએ મતગણતરી ફોર્મ સબમિટ કરવાના છે. તેમાંથી ઘણાએ આગામી દિવસોમાં દસ્તાવેજો સાથે ફોર્મ સબમિટ કરવા માટે સમય માંગ્યો છે. કમિશનના જણાવ્યા અનુસાર, સોમવારે સાંજે 6 વાગ્યા સુધીમાં ચૂંટણી પંચ દ્વારા શરૂૂ કરાયેલા ECI-Net પ્લેટફોર્મ પર 5.74 કરોડ ફોર્મ અપલોડ કરવામાં આવ્યા છે.

કોઇપણ લાયક મતદાર બાકી નહીં રહે
પંચે ખાતરી આપી હતી કે કોઈ લાયક મતદાર બાકી ન રહે તે સુનિશ્ચિત કરવા માટે વ્યાપક પ્રયાસો કરવામાં આવી રહ્યા છે. ટૂંક સમયમાં એક લાખ BLO (બૂથ લેવલ ઓફિસર્સ) ઘરે-ઘરે મુલાકાતનો ત્રીજો રાઉન્ડ શરૂૂ કરશે. તેમને 1.5 લાખ BLA (બૂથ લેવલ એજન્ટ્સ) દ્વારા પણ મદદ કરવામાં આવી રહી છે, જેઓ દરરોજ 50 ગણતરી ફોર્મ પ્રમાણિત અને સબમિટ કરી શકે છે. અધિકારીઓએ જણાવ્યું હતું કે, બિહારની બહાર ગયેલા મતદારોને અખબારોમાં જાહેરાતો અને સીધા સંપર્ક દ્વારા ફોર્મ ભરવા માટે પ્રેરિત કરવામાં આવી રહ્યા છે. તેઓ મોબાઇલ પરથી ECINET એપ્લિકેશન અથવા વેબસાઇટ https://voters.eci.gov.in દ્વારા ઓનલાઇન ફોર્મ ભરી શકે છે. તેઓ આ ફોર્મ પરિવારના સભ્યો, WhatsApp અથવા અન્ય ડિજિટલ માધ્યમો દ્વારા સંબંધિત BLOને પણ મોકલી શકે છે.