કેરળમાં ગાલપચોળિયાના એક દી’માં 190, ચાલુ માસમાં 2505 કેસ

• પેરામિકસો વાઈરલથી ફેલાતી આ બીમારી ચેપી છે

કેરળમાં ગાલપચોળિયાંના દર્દીઓ ઝડપથી વધવા લાગ્યા છે. એક જ દિવસમાં 190 દર્દીઓ બહાર આવતાં ખળભળાટ મચી ગયો છે. માત્ર માર્ચ મહિનામાં જ 2505 કેસ નોંધાયા છે. કેરળના સ્વાસ્થ્ય મંત્રાલય દ્વારા એલર્ટ જારી કરવામાં આવ્યું છે. સ્વાસ્થ્ય મંત્રાલય દ્વારા જારી કરાયેલા નિવેદન અનુસાર છેલ્લા બે મહિનામાં ગાલપચોળિયાના 11467 કેસ નોંધાયા છે.આ રોગ લોકોની રોગપ્રતિકારક શક્તિને સીધી અસર કરે છે.

આ રોગને ચિપમંક ગાલ તરીકે પણ ઓળખવામાં આવે છે. આ રોગમાં તાવ, માથાનો દુખાવો, થાક, શરીરમાં દુખાવો, લાળ ગ્રંથીઓમાં સોજો જેવા લક્ષણો જોવા મળે છે.આ રોગમાં દર્દીના ગાલ પર સોજો આવે છે. ઘણી વખત આ રોગના લક્ષણો દેખાતા નથી. કેટલીકવાર તેના લક્ષણો બે થી ત્રણ અઠવાડિયા પછી દેખાય છે.તમને જણાવી દઈએ કે ગાલપચોળિયાં પેરામિક્સોવાયરસ નામના વાયરસના કારણે ફેલાય છે. તે પીડિત સાથેના સંપર્ક દ્વારા અથવા હવામાં પાણીના ટીપાં દ્વારા પ્રસારિત થઈ શકે છે અને એક વ્યક્તિથી બીજી વ્યક્તિમાં રોગનું કારણ બની શકે છે. જો કોઈ વ્યક્તિ ગાલપચોળિયાંનો શિકાર બને છે, તો મગજમાં સોજો આવવાનું જોખમ હોઈ શકે છે. ગંભીર દર્દીઓમાં, તે સ્વાદુપિંડ અને અંડકોષને પણ અસર કરી શકે છે.