દેશનું 13.8 ટકા યુવાધન બેરોજગાર
ગત વર્ષની 4.9 ટકાની સરખામણીએ કુલ બેરોજગારી 5.1 ટકાએ પહોંચી, શહેરી વિસ્તારોમાં બેરોજગારી 17.2 ટકા સુધી પહોંચી
દેશમા બેરોજગારીનો દર પ્રથમ વખત માસિક ધોરણે જાહેર કરાતા આ વર્ષે એપ્રિલ માસમા બેરોજગારી દર ગત વર્ષની 4.9 ટકાની સરખામણીએ વધીને 5.1 ટકા રહયો છે. શહેરી વિસ્તારોમા બેરોજગારીનો દર પ્રમાણમા વધુ નોંધાયો છે.
ગુરુવારે જાહેર કરાયેલા સરકારી આંકડામાં આ માહિતી આપવામાં આવી છે. આંકડા અને કાર્યક્રમ અમલીકરણ મંત્રાલયે દેશમાં નોકરી માટે લાયક બેરોજગાર લોકોના ગુણોત્તરને વાસ્તવિક સમયમાં મોનિટર કરવાના પ્રયાસોના ભાગ રૂૂપે પ્રથમ માસિક સામયિક શ્રમ બળ સર્વે બહાર પાડ્યો. અત્યાર સુધી શ્રમ બળ સર્વે ફક્ત ત્રિમાસિક અને વાર્ષિક ધોરણે જ બહાર પાડવામાં આવતો હતો.
વર્તમાન સાપ્તાહિક સ્થિતિમાં એકત્રિત કરવામાં આવેલા તાજેતરના ડેટા દર્શાવે છે કે એપ્રિલ, 2025 દરમિયાન તમામ વય જૂથોના વ્યક્તિઓ માટે બેરોજગારી દર 5.1 ટકા હતો. પુરુષોમાં બેરોજગારીનો દર 5.2 ટકા હતો, જ્યારે સ્ત્રીઓમાં તે પાંચ ટકા હતો. આ સમયગાળા દરમિયાન, દેશભરમાં 15-29 વર્ષની વય જૂથના લોકોમાં બેરોજગારીનો દર 13.8 ટકા હતો. શહેરી વિસ્તારોમાં બેરોજગારીનો દર 17.2 ટકા હતો, જ્યારે ગ્રામીણ વિસ્તારોમાં તે 12.3 ટકા હતો. CWC એ સર્વેક્ષણ તારીખ પહેલાના સાત દિવસોમાં નક્કી કરાયેલ પ્રવૃત્તિની સ્થિતિનો ઉલ્લેખ કરે છે.
એપ્રિલ, 2025 દરમિયાન દેશભરમાં કુલ 7,511 પ્રથમ તબક્કાના નમૂના એકમોનો સર્વે કરવામાં આવ્યો છે. સર્વેક્ષણમાં આવરી લેવામાં આવેલા ઘરોની સંખ્યા 89,434 હતી (ગ્રામીણ વિસ્તારોમાં 49,323 અને શહેરી વિસ્તારોમાં 40,111) જ્યારે સર્વેક્ષણ કરાયેલા વ્યક્તિઓની સંખ્યા 3,80,838 હતી (ગ્રામીણ વિસ્તારોમાં 2,17,483 અને શહેરી વિસ્તારોમાં 1,63,355).
ડેટા દર્શાવે છે કે એપ્રિલ 2025 દરમિયાન 15 વર્ષ અને તેથી વધુ ઉંમરના લોકોમાં શ્રમ બળ ભાગીદારી દર 55.6 ટકા હતો. ગ્રામીણ વિસ્તારોમાં ભાગીદારી દર 58.0 ટકા હતો, જ્યારે શહેરી વિસ્તારોમાં તે 50.7 ટકા હતો. ગ્રામીણ અને શહેરી વિસ્તારોમાં 15 વર્ષ અને તેથી વધુ ઉંમરના પુરુષોમાં શ્રમ બળ ભાગીદારી દર અનુક્રમે 79.0 ટકા અને 75.3 ટકા હતો. એપ્રિલ 2025 દરમિયાન ગ્રામીણ વિસ્તારોમાં 15 વર્ષ અને તેથી વધુ ઉંમરની મહિલાઓમાં શ્રમ બળ ભાગીદારી દર 38.2 ટકા હતો.
15-29 વર્ષની વયની મહિલાઓમાં બેરોજગારીનો દર દેશભરમાં (ગ્રામીણ અને શહેરી) 14.4 ટકા હતો, જ્યારે શહેરોમાં તે 23.7 ટકા અને ગામડાઓમાં 10.7 ટકા હતો. દેશમાં 15-29 વર્ષની વયના પુરુષોમાં બેરોજગારીનો દર 13.6 ટકા નોંધાયો હતો, જ્યારે શહેરોમાં તે 15 ટકા અને ગામડાઓમાં 13 ટકા હતો. ડેટા દર્શાવે છે કે એપ્રિલ 2025 માં 15 વર્ષ અને તેથી વધુ ઉંમરના લોકોમાં શ્રમ બળ ભાગીદારી દર 55.6 ટકા હતો.
ગામડાઓમાં શહેર કરતાં વધુ રોજગારી
અભ્યાસમાં એ પણ બહાર આવ્યું છે કે 15-29 વર્ષની વય જૂથની મહિલાઓમાં બેરોજગારીનો દર સમગ્ર દેશમાં 14.4 ટકા હતો, જ્યારે શહેરોમાં તે 23.7 ટકા અને ગામડાઓમાં 10.7 ટકા હતો. દેશમાં 15-29 વર્ષની વય જૂથના પુરુષોમાં બેરોજગારીનો દર 13.6 ટકા નોંધાયો હતો, જ્યારે શહેરોમાં તે 15 ટકા અને ગામડાઓમાં 13 ટકા હતો.
