For the best experience, open
https://m.gujaratmirror.in
on your mobile browser.
Advertisement

પ્રેમિકાની હત્યામાં પ્રેમીને આજીવન કેદની સજા ફટકારતી મોરબી સેશન્સ કોર્ટ

11:27 AM Apr 24, 2024 IST | Bhumika
પ્રેમિકાની હત્યામાં પ્રેમીને આજીવન કેદની સજા ફટકારતી મોરબી સેશન્સ કોર્ટ
  • પ્રેમસબંધના કારણે લગ્નજીવન બગડશે અને સમાજમાં બદનામ થવાની દહેશતે ખૂની ખેલ ખેલાયો’તો

વાંકાનેર-મોરબી હાઈવે પર આવેલી સુર્યા ઓઈલ મીલમાં કામ કરતી યુવતી અને પરિણીત શખ્સ વચ્ચે પ્રેમ પાંગર્યો હતો.જે પ્રેમ સબંધથી લગ્ન જીવન બગડશે અને સમાજમાં બદનામી થશે તેવી દહેશતે પરિણીત પ્રેમીએ પ્રેમિકાને કુહાડીના ઘા ઝીંકી મોતને ઘાટ ઉતારી દીધી હતી. જે ચકચારી ખુન કેસમાં કોર્ટે આરોપીને આજીવન કેદની સજા ફટકારતો હુકમ કર્યો છે.

Advertisement

આ કેસની હકીકત મુજબ મોરબી વાંકાનેર નેશનલ હાઈવે ઉપર વઘાસીયા ગામની સીમમાં સુર્યા ઓઈલ એન્ડ એગ્રો ઈન્ડસ્ટ્રીઝમાં કવિતાબેન કેતનભાઈ ચૌહાણ અને આરોપી ધીરજભાઈ જીવાભાઈ સોલંકી બંને સાથે નોકરી કરતા હતા. તે દરમ્યાન બન્ને વચ્ચે પ્રેમ પાંગર્યો હતો. આરોપી ધીરજભાઈ સોલંકી પરિણીતા હોવાથી સંબંધો જાહેર થવાથી પોતાનું લગ્નજીવન બગડશે તેમજ સમાજમાં બદનામી થશે તેવું લાગતા આરોપીએ સબંધો ટૂંકાવી લેવાનું કહેતા કવિતાબેન ચૌહાણ સબંધો છોડવા તૈયાર ન હોવાથી આરોપીએ છુટકારો મેળવવા માટે કુહાડીના ઘા ઝીંકી કવિતાબેન ચૌહાણની હત્યા કરી હતી. જે અંગે મૃતકના પિતાએ વાંકાનેર સીટી પોલીસ સ્ટેશનમાં આરોપી ધીરજ જીવાભાઈ સોલંકી વિરૂૂધ્ધ ફરિયાદ નોંધાવી હતી. પોલીસ દ્વારા આરોપીની ધરપકડ કરી જેલ હવાલે કર્યો હતો.

જે કેસ મોરબી સેશન્સ કોર્ટ સમક્ષ ચાલવા ઉપર આવતા સરકાર પક્ષે કુલ 18 સાહેદોની જુબાની અને 42 જેટલા દસ્તાવેજી પુરાવાઓ રજૂ કરવામાં આવ્યા હતા. આ ઉપરાંત પક્ષે સરકારી વકીલ અને મુળ ફરીયાદી વતી રોકાયેલા વકીલ દ્વારા એવી રજુઆત કરવામાં આવી હતી કે,ફરીયાદ પક્ષ દ્વારા પોતાનો કેસ નિ:શંકપણે પુરવાર કરવામાં આવ્યો છે. અને જે ફરીયાદીની હકીકતને અન્ય સાહેદો તથા દસ્તાવેજી પુરાવાઓ ધ્વારા સમર્થન મળ્યું છે. સાથોસાથ જે સાહેદો તપાસવામાં આવ્યા છે તે સાહેદો નેચરલ વીટનેશ છે તેમજ બનાવવાળી જગ્યાના સાહેદોથી ફરીયાદ પક્ષના કેસને સમર્થન મળેલ છે.આરોપી પાસેથી કબ્જે કરેલા મોબાઈલ ફોનમાં મૃતક સ્થળ ઉપરના ફોટોગ્રાફસ મળી આવ્યા છે.જે ફોટોગ્રાફસમા આરોપીના પગ દેખાય આવે છે આરોપી દ્વારા યુવતીને નિદર્ય રીતે મારી નાખી તેના ફોટોગ્રાફસ પોતાના મોબાઈલમા પાડી સેવ કર્યા છે તેના ઉપરથી આરોપીની મનોવૃતીનો ખ્યાલ આવી શકે તેમ છે. આરોપી અને મૃતક વચ્ચેના પ્રેમસબંધને લીધે આરોપીનુ લગ્નજીવન બગડશે અને સમાજમા બદનામી થશે તેવી દહેશતે પ્રેમીકાને મોતને ઘાટ ઉતારી હોવાની રજુઆત કરવામાં આવી હતી. જયારે આરોપી તરફે એવી રજુઆત કરવામાં આવી હતી કે આરોપી સામેનો કેસ સાંયોગીક પુરાવાનો કેસ છે. બનાવના દિવસે આરોપી નોકરી ઉપર હાજર ન હતા. આરોપીને ખોટી રીતે સંડોવી દેવામાં આવ્યા છે તેમજ ફરીયાદપક્ષ ચાર્જશીટ તથા પોલીસ પેપર્સ મુજબ પોતાનો કેસ સાબીત કરી શકેલ નહી હોવાથી આરોપીને છોડી મુકવા માટે રજુઆતો કરી હતી.બન્ને પક્ષની લેખીત-મૌખીક રજૂઆતો, સાહેદોની જુબાનીઓ, રજુ કરવામાં આવેલ દસ્તાવેજી પુરાવાઓ અને ઉચ્ચ અદાલતોના ચુકાદાઓને ધ્યાને લઈ મોરબીના સેશન્સ જજ વી.એ. બુધ્ધે આરોપીને આજીવન કેદની સજા અને રૂૂપીયા બે લાખના દંડની રકમ મૃતકના વારસદારોને વળતર પેટે આપવા હુકમ ફરમાવ્યો છે.આ કેસમાં સરકાર પક્ષે એ.પી.પી. સંજયભાઈ સી. દવે અને મુળ ફરીયાદી વતી રાજકોટના એડવોકેટ લલિતસિંહ જે. શાહી, ભુવનેશ એલ. શાહી, કૃણાલ એલ. શાહી, ચંન્દ્રકાંત એમ. દક્ષીણી, યોગેશ બારોટ, સુરેશ આર. ફળદુ, મનીષ આર. ગુરૂૂંગ, નિશાંત એમ. જોષી, મોરબીના એડવોકેટ જીતેન અગેચાણીયા અને જીતુ સોલંકી રોકાયા હતા.

Advertisement

Advertisement
Tags :
Advertisement
Advertisement