અયોધ્યામાં સાંસદો-ધારાસભ્યો, IPS-IASનું મોટા પાયે રોકાણ

જમીનના ભાવમાં 30 ટકાનો વધારો છતાં હજુ સાત વર્ષ જૂની જંત્રીના દરે સંપાદન

સુપ્રીમ કોર્ટના 2019ના નિર્ણય બાદ, જેણે રામ જન્મભૂમિ પર મંદિરના નિર્માણનો માર્ગ ખોલ્યો હતો, અયોધ્યામાં જમીન ખરીદવા માટે નેતાઓથી લઈને અધિકારીઓ સુધીના પરિવારો વચ્ચે સ્પર્ધા ચાલી રહી છે. પરંતુ સાત વર્ષથી અહીં સર્કલ રેટ વધ્યો નથી. ખરીદદારોમાં અરુણાચલ પ્રદેશના નાયબ મુખ્ય પ્રધાન ચૌના મે, બીજેપી નેતા અને કૈસરગંજના ભૂતપૂર્વ સાંસદ બ્રિજભૂષણ શરણ સિંહ, ઉત્તર પ્રદેશ પોલીસના સ્પેશિયલ ટાસ્ક ફોર્સ ના વડા અમિતાભ યશ જેવાVIPનો પરિવાર સામેલ છે. અંગ્રેજી અખબાર ઈન્ડિયન એક્સપ્રેસે સુપ્રીમ કોર્ટના નિર્ણય બાદ માર્ચ 2024 સુધી રામ મંદિરની આસપાસના 25 ગામોમાં જમીન ખરીદ-વેચાણની 2500 રજિસ્ટ્રીની તપાસ કરીને દાવો કર્યો છે કે આ વિસ્તારોમાં જમીનના સોદામાં 30 ટકાનો વધારો થયો છે.

અખબારે 18 વીઆઈપી પરિવારોની જમીન ખરીદવાનો ઉલ્લેખ કર્યો છે. ચૌનામાં બ્રિજભૂષણ શરણ સિંહ અને અમિતાભ યશ ઉપરાંત ઉત્તર પ્રદેશના ગૃહ સચિવ અને આઈપીએસ સંજીવ ગુપ્તા, યુપીના શિક્ષણ વિભાગના જોઈન્ટ ડાયરેક્ટર અરવિંદ પાંડે, રેલવેના ડેપ્યુટી ચીફ એન્જિનિયર મહાબલ પ્રસાદ, આઈપીએસ અધિકારી પલાશ બંસલ, આઈપીએસ અધિકારી અનૂપ સિંહ. , નિવૃત્ત ડીજીપી યશપાલ સિંહ, પૂર્વ સીબીએસઈ સચિવ અનુરાગ ત્રિપાઠી, હરિયાણા યોગ પંચના અધ્યક્ષ જયદીપ આર્ય, યુપી ભાજપના નેતા અને ધારાસભ્ય અજય સિંહ, ભાજપ નેતા અને ગોસાઈગંજ નગર પંચાયત પ્રમુખ વિજય લક્ષ્મી જયસ્વાલ, ભાજપ નેતા અને અમેઠી જિલ્લા પંચાયત પ્રમુખ રાજેશ અગ્રહરી, બસપા નેતા અને પૂર્વ ધારાસભ્ય જિતેન્દ્ર કુમાર ઉર્ફે બબલુ ભૈયા, બીજેપી નેતા અને પૂર્વ ધારાસભ્ય ચંદ્ર પ્રકાશ શુક્લા, એસપી નેતા અને પૂર્વ ખકઈ રાકેશ રાણા અને ઇજઙમાંથી ઇઉંઙમાં જોડાયેલા ભૂતપૂર્વ ખકઈ શ્યામ નારાયણ સિંહ ઉર્ફે વિનીત સિંહનો પરિવારનો સમાવેશ થાય છે.

આ પૈકી કોઈપણ જમીનની ખરીદીમાં કોઈ ગેરરીતિ નોંધાઈ નથી. કેટલાક ખરીદદારોએ જમીન વેચી પણ દીધી છે. પરંતુ અખબારે એ હકીકત પર પ્રકાશ પાડ્યો છે કે અયોધ્યામાં જમીનના સર્કલ રેટ 7 વર્ષથી વધારવામાં આવ્યા નથી, જેના આધારે સ્ટેમ્પ ડ્યુટી નક્કી કરવામાં આવે છે. જો કે, માત્ર અયોધ્યામાં જ નહીં પરંતુ યુપીના 75માંથી 54 જિલ્લામાં 2017 પછી સર્કલ રેટ બદલાયો નથી.

જિલ્લા મેજિસ્ટ્રેટ (ઉખ) દર વર્ષે સર્કલ રેટની સમીક્ષા કરે છે. અધિગ્રહણના કિસ્સામાં, સરકાર માત્ર સર્કલ રેટના આધારે વળતર આપે છે. યુપી સરકાર ગ્રામીણ વિસ્તારોમાં જમીન સંપાદન માટે સર્કલ રેટ કરતાં ચાર ગણું અને શહેરી વિસ્તારોમાં બમણું વળતર આપે છે.

સરકાર જમીન હસ્તગ્રહણ કરવાની હોવાથી જંત્રી વધારવાની અરજીઓ પેન્ડિંગ
અયોધ્યાના ખેડૂત દુર્ગા પ્રસાદ યાદવે સર્કલ રેટ વધારવા માટે 2021માં અલ્હાબાદ હાઈકોર્ટની લખનૌ બેંચમાં અરજી કરી હતી. રાજ્ય સરકારે 2022માં હાઈકોર્ટને જવાબ આપ્યો હતો કે 2018, 2019, 2020 અને 2021માં સર્કલ રેટની સમીક્ષા કરવામાં આવી હતી પરંતુ બજાર કિંમત 2017ની જેમ જ હતી, તેથી તેમાં કોઈ ફેરફાર થયો નથી. યુપી સ્ટેમ્પ અને રજીસ્ટ્રેશન આઈજી રૂૂપેશ કુમારે અખબારને જણાવ્યું કે 2022 અને 2023માં અયોધ્યામાં સર્કલ રેટ વધારવાનો પ્રસ્તાવ હતો પરંતુ સરકારે તેને મંજૂરી આપી ન હતી. તેમણે કહ્યું કે 2023માં 21 જિલ્લાઓમાં સર્કલ રેટ બદલવામાં આવશે, જેમાં અયોધ્યાના પડોશી જિલ્લા બસ્તી અને ગોંડાનો સમાવેશ થાય છે. સરકારી સૂત્રોને ટાંકીને ઇન્ડિયન એક્સપ્રેસે દાવો કર્યો છે કે સામાન્ય રીતે એવા વિસ્તારોમાં સર્કલ રેટ યથાવત રાખવાનો પ્રયાસ કરવામાં આવે છે જ્યાં સરકારને પ્રોજેક્ટ માટે જમીન ખરીદવાની જરૂૂર હોય છે જેથી વળતરની કિંમત ઓછી હોય. યુપી હાઉસિંગ ડેવલપમેન્ટ કાઉન્સિલ અયોધ્યામાં 1800 એકરમાં ટાઉનશિપ બનાવવા જઈ રહી છે. આ માટે જમીન સંપાદનની પ્રક્રિયા ચાલી રહી છે. માર્ચ સુધીમાં 600 એકર જમીન ખરીદવામાં આવી છે અને બાકીના સંપાદનની કામગીરી ચાલી રહી છે.