ભુજના નાના વરનોરાના મદરેસામાં અભ્યાસ કરતા બે કિશોર ભેદી ગુમ

પોલીસે ઊંડી તપાસ શરૂ કરી, અપહરણની ફરિયાદ નોંધાઇ

તાલુકાના નાના વરનોરાના મદરેસામાં અભ્યાસ કરતા ભુજના બે કિશોર ગુમ થતાં વાલીએ અપહરણની ફરિયાદ નોંધાવી છે. આ અંગે માધાપર પોલીસ મથકે ભુજમાં રહેતા સલીમ દાઉદભાઇ કુંભારે નોંધાવેલી ફરિયાદ મુજબ તેમનો 15 વર્ષનો દીકરો હરસાન નાના વરનોરાના જામિયા મોહંમદમિયા સલ્ફીયા મદ્રેસામાં અભ્યાસ કરે છે.

ગત તા. 9/11ના બપોરથી તે તથા તેની સાથે અભ્યાસ કરતો ભુજનો 14 વર્ષીય કિશોર ઇરફાન ગુમ થતાં બે દિવસ પૂર્વે ગુમનોંધ નોંધાવી હતી, જેનો કોઇ અતોપત્તો ન મળતાં પોલીસે કોર્ટની માર્ગદર્શિકા મુજબ કોઇ અજાણ્યા ઇસમે ફરિયાદીના કાયદેસરના વાલીપણામાંથી અપહરણ કર્યાની ફરિયાદ નોંધાવી છે. પોલીસે તપાસ આદરી છે. આ બંને કિશોરની કોઇને જાણ થાય તો માધાપર પોલીસ મથક અથવા વાલીના મો.નં. 99256 25277, 97265 22738નો સંપર્ક કરવા વાલીએ અનુરોધ કર્યો છે.