અંજારમાં સગીરાએ બાળકને જન્મ આપ્યો, બિહારી શખ્સે દુષ્કર્મ આચર્યાનું ખુલ્યું

છેલ્લા ઘણા સમયથી સગીરા સાથે દુષ્કર્મ કરાયું હોવાની ઘટનાઓ અવાર નવાર પોલીસ ચોપડે નોંધાઇ રહી છે , તેની વચ્ચે રતલામની હોસ્પિટલમાં બાળકને જન્મ આપનાર સગીરાએ ફેબ્રુઆરીમાં તે પોતાના પરિવાર સાથે અંજાર વિસ્તારમાં રહેતી ત્યારે ઠેકેદારે તેની સાથે બળજબરી પૂર્વક વારંવાર દુષ્કર્મ આચર્યું હોવાનો ઘટસ્ફોટ કરતાં અંજાર પોલીસે ઝીરો નંબરથી દાખલ કરાવાયેલી ફરિયાદમાં પોક્સો એક્ટ સહિતની કલમો તળે ગુનો નોંધી આગળની તપાસ હાથ ધરી છે.

અંજાર પોલીસ મથકેથી પ્રાપ્ત વિગતો મુજબ , ભોગ બનનાર 16 વર્ષીય સગીરાએ રતલામ હોસ્પિટલમાં બાળકને જન્મ આપતાં સૌ ચોંકી ગયા હતા અને પુછપરછ બાદ સગીરાએ તે પોતાના પરિવાર સાથે અંજાર વિસ્તારમાં રહેતી તેનો પરિવાર અહીં મજૂરી કામ કરતો હતો. દરમિયાન 2 ફેબ્રુઆરી 2024 થી 23 માર્ચ 2024 દરમિયાન ત્યાં જે ઠેજીતેહ બીહારી નામનો ઠેકેદાર હતો તેણે તેની મરજી વિરૂૂધ્ધ બળજબરી પૂર્વક દુષ્કર્મ આચર્યું હોવાનો ઘટસ્ફોટ કરતાં પરિવારે રતલામ ખાતે ઝીરો નંબરથી ફરિયાદ નોંધાવતાં અંજાર પોલીસે તે ફરિયાદના આધારે પોક્સો એક્ટ સહિતની કલમો તળે ગુનો નોંધી આગળની કાર્યવાહી હાથ ધરી છે.