જૂનાગઢના બીલખામાં યુવકને દારૂડિયો કહી ગાળો ભાંડી બે શખ્સોએ માર માર્યો

જૂનાગઢના બીલખામાં રહેતા યુવકને દારૂૂડિયો કહી ગાળો ભાંડી હતી. યુવાને ગાળો બોલવાની ના પાડતા આરોપીએ છરી વડે હુમલો કર્યો હતો. હુમલામાં ઘવાયેલા યુવાનને તાત્કાલિક સારવાર માટે જૂનાગઢ બાદ રાજકોટ ખેડવામાં આવ્યો હતો.
આ બનાવ અંગે પોલીસમાંથી જાણવા મળતી વિગત મુજબ જૂનાગઢના બિલખામાં આવેલા આંબેડકરનગરમાં રહેતા જીગ્નેશ ચંદુભાઈ વાળા નામનો 26 વર્ષનો યુવાન રાત્રિના આઠેક વાગ્યાના અરસામાં પોતાના ઘર પાસે હતો ત્યારે પાડોશમાં જ રહેતા મયુર સોલંકી સહિતના શખ્સોએ ઝઘડો કરી છરી વડે હુમલો કર્યો હતો હુમલામાં ઘવાયેલા યુવકને ગંભીર ઇજા પહોંચતા તાત્કાલિક સારવાર માટે જૂનાગઢ બાદ રાજકોટ સિવિલ હોસ્પિટલમાં દાખલ કરવામાં આવ્યો હતો. પ્રાથમિક પૂછપરછમાં જીગ્નેશ વાળા બે ભાઈ એક બહેનમાં નાનો અને અપરિણીત છે મિત્રના ઘર પાસે હતો ત્યારે મયુર સોલંકીએ દારૂૂડિયો આવ્યો તેમ કહેતા જીગ્નેશ વાળાએ તું મને શું કામ દારૂૂડિયો કહે છે તેમ કહેતા મયુર સોલંકીએ ગાળો ભાંડી હતી જેથી જીગ્નેશ વાળાએ ગાળો દેવાની ના પાડતા મયુર સોલંકી સહિતના શખ્સોએ હુમલો કરી માર માર્યો હોવાનો આક્ષેપ કરવામાં આવ્યો છે.આ ઉપરાંત અન્ય બીજા બનાવમાં થાનગઢમાં આવેલા આંબેડકરનગરમાં રહેતી લતાબેન જીગ્નેશભાઈ ચાવડા નામની 23 વર્ષની પરિણીતા પોતાના ઘરે હતી ત્યારે બપોરના દોઢેક વાગ્યાના અરસામાં ગૃહકલેશથી કંટાળી ફિનાઈલ પી લીધું હતું લતાબેન ચાવડાને ઝેરી અસર તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવી હતી ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે. થાનગઢમાં ગૃહકલેશથી કંટાળી પરિણીતાએ ફિનાઇલ પીધુ