ઈસરોની સફળતા, આદિત્ય-L1એ ભ્રમણકક્ષાનું એક ચક્કર પૂર્ણ કર્યુ

ઈન્ડિયન સ્પેસ રિસર્ચ ઓર્ગેનાઈઝેશન (ISRO) એ સોમવારે આદિત્ય-L1 મિશનને લઈને એક ખુશખબરી આપી છે. આદિત્ય-L1 અવકાશયાન એ સૂર્ય અને પૃથ્વી વચ્ચેના L1 લેગ્રેન્જિયન બિંદુ એટલે કે પ્રભામંડળની ભ્રમણકક્ષાનું એક ચક્કર પૂર્ણ કર્યું છે.

આ મિશનની સિદ્ધિ અંગે માહિતી આપતાં ISRO ટ્વિટર પર લખ્યું, ‘આજે આદિત્ય-L1 એ L1 બિંદુની આસપાસ તેની પ્રથમ પ્રભામંડળની ભ્રમણકક્ષા પૂર્ણ કરી. આ વર્ષે 6 જાન્યુઆરીએ અવકાશયાન લેગ્રાંગિયન બિંદુ (L1) પર પહોંચ્યું. આ પછી અવકાશયાન હેલો ભ્રમણકક્ષાની આસપાસ એક ભ્રમણકક્ષા પૂર્ણ કરવામાં 178 દિવસ લાગ્યા.
અવકાશયાન પૃથ્વીથી લગભગ 1.5 લાખ કિલોમીટર દૂર પૃથ્વી અને સૂર્યની વચ્ચે લેગ્રેંગિયન બિંદુ 1 (L1)ની આસપાસ પ્રભામંડળની કક્ષામાં ફરે છે. આ મિશન દ્વારા વાતાવરણ, સૌર ચુંબકીય તોફાનો અને પૃથ્વીની આસપાસના પર્યાવરણ પર તેની અસરોનો અભ્યાસ કરવામાં આવી રહ્યો છે.

આ મિશન પાછળ ઈસરોના ઘણા ઉદ્દેશ્યો છે. જેમ પૃથ્વી પર ધરતીકંપ આવે છે તેમ સૌર ધરતીકંપો પણ થાય છે જેને કોરોનલ માસ ઇજેક્શન કહેવામાં આવે છે. સૌર સ્પંદનોનો અભ્યાસ કરવા માટે સૂર્યનું અવલોકન જરૂૂરી છે. સૂર્યના ભૂતકાળ, વર્તમાન અને ભવિષ્યની શોધ કરવા ભારતનું પ્રથમ સૌર મિશન ‘આદિત્ય’માં સાત પેલોડ લગાડવામાં આવ્યા છે.