IOCLએ ભારતીય ચલણમાં ખરીદ્યું 10 લાખ બેરલ ક્રૂડ ઓઈલ, દેશને આ રીતે થશે ફાયદો

ભારત સરકારે રૂપિયાને વૈશ્વિક ઓળખ આપવા માટે પગલાં લીધાં છે. ઈન્ડિયન ઓઈલ કોર્પોરેશને અબુ ધાબી નેશનલ ઓઈલ કંપની પાસેથી 10 લાખ બેરલ ક્રૂડ ઓઈલની ખરીદી કરી છે. આ ખરીદી માટે તેમણે રૂપિયામાં ચૂકવણી કરી હતી. જણાવી દઈએ કે ભારતમાં તેલની જરૂરિયાતો પૂરી કરવા માટે 85 ટકાથી વધુ આયાત કરવી પડે છે.

પ્રથમ વખત ક્રૂડ ઓઈલની ખરીદી માટે રૂપિયામાં ચૂકવણી કરવામાં આવી છે. આ એક ઐતિહાસિક પગલું છે. તે બાદ ભારતીય રાષ્ટ્રીય ચલણના ઉપયોગને પ્રોત્સાહન આપવામાં આવશે. અગાઉ ક્રૂડ ઓઈલની ખરીદી માટે ચૂકવણી કરવા માટે ડોલરનો ઉપયોગ થતો હતો. જુલાઈ 2023 માં, ભારત અને અબુ ધાબી નેશનલ ઓઈલ કંપનીએ ક્રૂડ ઓઈલની ખરીદી માટે રૂપિયામાં ચૂકવણી માટે કરાર પર હસ્તાક્ષર કર્યા છે. આ ઐતિહાસિક નિર્ણય બાદ રૂપિયાને વૈશ્વિક ઓળખ મળશે.

રૂપિયામાં ચૂકવણી કરવાના ફાયદા

ભારતના આ પગલા બાદ વૈશ્વિક અર્થવ્યવસ્થામાં ડોલરનું વર્ચસ્વ ઘટી ગયું હતું. ભારત વેપાર માટે ડોલરનો ઉપયોગ કરે છે. આવી સ્થિતિમાં, આ ચુકવણી પછી, સ્થાનિક ચલણના મહત્તમ ઉપયોગ પર ભાર મૂકવામાં આવશે. મળતી માહિતી અનુસાર, હવે રશિયન તેલની ખરીદી પણ રૂપિયામાં ચૂકવવામાં આવશે. જણાવી દઈએ કે, હજુ સુધી આ અંગે કોઈ સત્તાવાર પુષ્ટિ થઈ નથી.

જણાવી દઈએ કે, આ પગલા બાદ એક તરફ ભારતીય ચલણ વૈશ્વિક સ્તરે ચલણમાં આવશે તો બીજી તરફ ડોલરની માંગ ઘટાડવામાં મદદ કરશે. 1970 ના દાયકાથી તેલની ખરીદી માટે ડોલરમાં ચૂકવણી કરવામાં આવે છે.