ઇરાની ઓઇલની નિકાસને સરળ બનાવવા બદલ નાગરિકો સહિત 50 સંસ્થાઓ પર પ્રતિબંધ લાદતું અમેરિકા

યુએસ ડિપાર્ટમેન્ટ ઓફ ધ ટ્રેઝરીના ફોરેન એસેટ્સ કંટ્રોલ ઓફિસ (OFAC) એ ગુરુવારે ઈરાનથી ઈરાની તેલ અને લિક્વિફાઇડ પેટ્રોલિયમ ગેસ (LPG) વેચાણ અને શિપમેન્ટને સરળ બનાવવા બદલ 50 થી વધુ વ્યક્તિઓ, સંસ્થાઓ અને જહાજો સામે પ્રતિબંધોની જાહેરાત કરી, જેમાં ઈરાનના ઉર્જા ક્ષેત્ર સાથે જોડાયેલી વેપાર પ્રવૃત્તિઓમાં સામેલ ભારતીય નાગરિકોનો પણ સમાવેશ થાય છે.

યુએસ ડિપાર્ટમેન્ટ ઓફ ટ્રેઝરી દ્વારા એક પ્રકાશન અનુસાર, આ લોકોએ સંયુક્ત રીતે અબજો ડોલરના પેટ્રોલિયમ અને પેટ્રોલિયમ ઉત્પાદનોની નિકાસને સક્ષમ બનાવી છે, જેનાથી ઈરાની શાસનને મહત્વપૂર્ણ આવક મળી છે અને યુનાઇટેડ સ્ટેટ્સને ધમકી આપતા આતંકવાદી જૂથોને ટેકો મળે છે. આ કાર્યવાહી લગભગ બે ડઝન શેડો ફ્લીટ જહાજો, ચીન સ્થિત ક્રૂડ ઓઇલ ટર્મિનલ અને એક સ્વતંત્ર રિફાઇનરી સાથે લાખો ડોલરના ઈરાની એલપીજીનું પરિવહન કરતા નેટવર્કને લક્ષ્ય બનાવે છે.

પ્રકાશન અનુસાર, ભારતીય નાગરિકો વરુણ પુલા, સોનિયા શ્રેષ્ઠા અને ઇયપ્પન રાજાને ઈરાની પેટ્રોલિયમ ઉત્પાદનો અને એલપીજીના પરિવહનમાં સામેલ શિપિંગ કંપનીઓ માટે અથવા તેમના વતી સીધા કે આડકતરી રીતે કાર્ય કરવા અથવા કાર્ય કરવાનો દાવો કરવા બદલ એક્ઝિક્યુટિવ ઓર્ડર 13902 હેઠળ પ્રતિબંધિત કરવામાં આવ્યા છે.
રિલીઝમાં જણાવાયું છે કે વરુણ પુલા માર્શલ આઇલેન્ડ સ્થિત બર્થા શિપિંગ ઇન્ક.ના માલિક છે, જે કોમોરોસ-ધ્વજવાળા જહાજ PAMIR (IMO 9208239)નું સંચાલન કરે છે, જે જુલાઈ 2024 થી ચીનમાં લગભગ ચાર મિલિયન બેરલ ઇરાની LPGનું પરિવહન કરે છે.

ઈયપ્પન રાજા એવી લાઇન્સ ઇન્ક.ના માલિક છે, જે માર્શલ આઇલેન્ડમાં પણ સ્થિત છે.
જે પનામા-ધ્વજવાળા SAPPHIRE GAS (IMO 9320738)નું સંચાલન કરે છે. રિલીઝમાં ઉમેર્યું હતું કે એપ્રિલ 2025 થી આ જહાજે ચીનમાં દસ લાખ બેરલથી વધુ ઇરાની LPGનું પરિવહન કર્યું છે.

ટ્રેઝરી ડિપાર્ટમેન્ટે નોંધ્યું છે કે સોનિયા શ્રેષ્ઠા ભારત સ્થિત વેગા સ્ટાર શિપ મેનેજમેન્ટ પ્રાઇવેટ લિમિટેડની માલિક છે, જે કોમોરોસ-ધ્વજવાળા NEPTA (IMO 9013701)નું સંચાલન કરે છે. આ જહાજ જાન્યુઆરી 2025 થી ઇરાની મૂળના LPGનું પાકિસ્તાનમાં પરિવહન કરે છે.