ઓછો કર ચૂકવવા બદલ યુકેના નાયબ વડાપ્રધાનનું રાજીનામું

બ્રિટિશ નાયબ વડાપ્રધાન એન્જેલા રેનરે શુક્રવારે રાજીનામું આપ્યું. તેમણે કહ્યું કે નવા ઘર પર મિલકત કર ઓછો ચૂકવવાની તેમની ભૂલ બદલ તેમને ખૂબ જ પસ્તાવો છે. આ વડાપ્રધાન કીર સ્ટારમર માટે મોટો ફટકો છે. સ્ટાર્મરે કહ્યું કે રેનરને ગુમાવવું ખૂબ જ દુ:ખદ છે. એક સ્વતંત્ર તપાસમાં જાણવા મળ્યું કે તેમણે યોગ્ય કર ન ચૂકવીને મંત્રી સંહિતાનું ઉલ્લંઘન કર્યું છે.

લગભગ 50 વર્ષમાં કોઈપણ વડાપ્રધાનના કાર્યકાળની શરૂૂઆતમાં, સ્ટાર્મરને સરકારી ફેરબદલ સિવાય સૌથી વધુ મંત્રી પદના રાજીનામાનો સામનો કરવો પડ્યો છે. સ્ટાર્મરને લખેલા પત્રમાં રેનરે કહ્યું- મને વધારાની કર નિષ્ણાત સલાહ ન લેવાના મારા નિર્ણય પર ખૂબ જ દુ:ખ છે. હું આ ભૂલની સંપૂર્ણ જવાબદારી લઉં છું. રેનરે કહ્યું- તારણો અને મારા પરિવાર પર તેની અસરને જોતાં, મેં રાજીનામું આપવાનો નિર્ણય લીધો છે.