ટ્રમ્પે કેનેડાને અમેરિકામાં ભેળવી દીધું !

પનામા નહેર, ગ્રીન લેન્ડ પર નિયંત્રણ મેળવવા સૈન્ય બળના ઉપયોગ કરવાની ધમકી: કેનેડાની આકરી પ્રતિક્રિયા

અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ હાલમાં હાયપરએક્ટિવ મોડમાં છે. તેમણે શપથ લેતા પહેલા જ પોતાના એજન્ડા પર કામ કરવાનું શરૂૂ કરી દીધું છે. તેઓ કેનેડાને અમેરિકાનું 51મું રાજ્ય બનાવવા માટે મક્કમ છે. પ્રેસ કોન્ફરન્સમાં કેનેડાને અમેરિકામાં ભેળવી દેવા આર્થિક તાકાતનો ઉપયોગ કરવાની ધમકી પછી ટ્રમ્પે પોતાના સોશિયલ મીડિયા એકાઉન્ટ પર ઓહ કેનેડા લખવા સાથે બે નકશા શેર કર્યા છે. આમાંના એક નકશામાં તેમણે કેનેડાને અમેરિકા બતાવ્યું છે, જ્યારે બીજા નકશામાં તેમણે કેનેડાને લઈને પોતાનો ઈરાદો વ્યક્ત કર્યો છે, જેને લઈને હવે વિવાદ શરૂૂ થઈ ગયો છે અને કેનેડાના નેતાઓએ ટ્રમ્પને બેફામ જવાબો આપવાનું શરૂૂ કર્યું છે.

ટ્રમ્પે પ્રેસ કોન્ફરન્સમાં પનામા નહેર અને ગ્રીન લેન્ડ પર નિમંત્રણ મેળવવા સૈન્ય બળના ઉપયોગની સંભાવના નકારી ન કાઢતાં વિશ્ર્વમાં ખળભળાટ મચી ગયો છે.
જસ્ટિન ટ્રુડોએ પ્રથમ વખત કેનેડા વિશે સતત નિવેદનો આપી રહેલા ટ્રમ્પને જવાબ આપ્યો છે. રાજીનામાની જાહેરાત કરનાર કેનેડાના પીએમ ટ્રુડોએ કહ્યું છે કે કેનેડા અમેરિકાનો હિસ્સો બનવાની કોઈ શક્યતા નથી. ટ્રુડો ઉપરાંત કેનેડાના વિદેશ મંત્રી મેલાની જોલીએ પણ આ મામલે નિવેદન આપ્યું છે. જોલીએ એ પણ ટ્વીટ કર્યું કે રાષ્ટ્રપતિ તરીકે ચૂંટાયેલા ટ્રમ્પની ટિપ્પણીઓ દર્શાવે છે કે કેનેડાને એક મજબૂત દેશ બનાવવાની વાતોની તેમને સંપૂર્ણપણે સમજ નથી. અમારું અર્થતંત્ર મજબૂત છે. અમારા લોકો મજબૂત છે. ધમકીઓ સામે અમે ક્યારેય પીછેહઠ કરીશું નહીં.

કેનેડાના વિપક્ષી નેતા પિયર પોલીવેરે પણ આ મુદ્દે નિવેદન આપ્યું છે. તેમણે કહ્યું છે કે આપણે એક મહાન અને સ્વતંત્ર દેશ છીએ. અમે અમેરિકાના શ્રેષ્ઠ મિત્રો છીએ. અમે અમેરિકનોને અલ-કાયદા દ્વારા 9/11ના હુમલાનો જવાબ આપવામાં મદદ કરવા માટે અબજો ડોલર અને સેંકડો જીવન ખર્ચ્યા. અમે અમેરિકાને અબજો ડોલરની ઉચ્ચ ગુણવત્તાની અને સંપૂર્ણપણે ભરોસાપાત્ર ઊર્જાનો સપ્લાય કરીએ છીએ જે બજાર કિંમતો કરતાં ઘણી ઓછી કિંમતે છે.

જ્યારે કેનેડાના મોટા નેતા જગમીતે કહ્યું કે, બકવાસ બંધ કરો ડોનાલ્ડ. કોઈ કેનેડિયન તમારી સાથે જોડાવા માંગતા નથી. અમને કેનેડિયન હોવાનો ગર્વ છે. આપણે જે રીતે એકબીજાની સંભાળ રાખીએ છીએ અને આપણા દેશનું રક્ષણ કરીએ છીએ તેના પર અમને ગર્વ છે. તમારા હુમલાઓ સરહદની બંને બાજુની નોકરીઓને અસર કરશે. તમે કેનેડિયનોની નોકરી લેવા આવ્યા છો, અમેરિકનોએ કિંમત ચૂકવવી પડશે.

હું શપથ લઉં એ પહેલાં બંધકોને છોડો, નહીં તો નરક તૂટી પડશે: હમાસને ટ્રમ્પની ચેતવણી
અમેરિકી રાષ્ટ્રપતિ ચૂંટાયેલા ડોનાલ્ડ ટ્રમ્પે મંગળવારે ચેતવણી આપી હતી કે જો હમાસ 20 જાન્યુઆરી, જ્યારે તેઓ યુનાઇટેડ સ્ટેટ્સના 47મા રાષ્ટ્રપતિ તરીકે શપથ લેશે તે પહેલા બંધકોને મુક્ત નહીં કરે તો બધુ નરક તુટી પડશે. બધુ નરક ફાટી જશે. જો તે બંધકો પાછા નહીં આવે, તો હું તમારી વાટાઘાટોને નુકસાન પહોંચાડવા માંગતો નથી, જો હું ઓફિસમાં આવું ત્યાં સુધી તેઓ પાછા નહીં આવે, તો મધ્ય પૂર્વમાં આખું નરક ફાટી જશે.

સજા રોકવા ટ્રમ્પની અરજી એપેલેટ કોર્ટે પણ ફગાવી
ન્યૂયોર્કની એપેલેટ કોર્ટે મંગળવારે અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પની અરજી ફગાવી દીધી હતી. ટ્રમ્પે એપેલેટ કોર્ટને પોર્ન સ્ટારને ચૂપ રહેવા માટે પૈસા ચૂકવવાના મામલામાં તેમની સજા પર રોક લગાવવા વિનંતી કરી હતી. આ કેસમાં ટ્રમ્પને દોષિત ઠેરવવામાં આવ્યા છે. ટ્રાયલ કોર્ટના નિર્ણયને રોકવાનો ટ્રમ્પનો આ છેલ્લો પ્રયાસ હતો.