ટેરિફના ડબલ ડોઝ પછી ભારત સાથે વેપાર વાટાઘાટો પણ બંધ કરતા ટ્રમ્પ

જયાં સુધી મૂળ મુદ્દા ઉકેલાય નહીં ત્યાં સુધી વાતચીત નહીં

ભારત પર 50 ટકા ટેરિફની જાહેરાત કરનાર ટ્રમ્પે વધુ વેપાર વાટાઘાટોની શક્યતાને નકારી કાઢી છે. તેમણે કહ્યું કે આ મુદ્દાઓ ઉકેલાય નહીં ત્યાં સુધી કોઈ વાતચીત થશે નહીં.

અમેરિકન રાષ્ટ્રપતિ ડોનાલ્ડ ટ્રમ્પ દ્વારા ભારત પર ટેરિફની જાહેરાત બાદ, આ વિવાદ નોંધપાત્ર રીતે વધી રહ્યો છે. ટ્રમ્પે ગુરુવારે ટેરિફની જાહેરાત બાદ ભારત સાથે પહેલાથી ચાલી રહેલી વેપાર વાટાઘાટોને આગળ વધારવાની શક્યતાને નકારી કાઢી હતી. અમેરિકન રાષ્ટ્રપતિના આ નવા નિવેદન બાદ, લાંબા સમયથી મજબૂત થઈ રહેલા બંને દેશોના દ્વિપક્ષીય સંબંધો તેમના સૌથી નીચલા સ્તરે પહોંચી ગયા છે.

ઓવલ ઓફિસમાં પ્રેસ કોન્ફરન્સ દરમિયાન, જ્યારે ટ્રમ્પને પૂછવામાં આવ્યું કે શું તેઓ ભારત પર 50 ટકા ટેરિફની જાહેરાત બાદ વેપાર વાટાઘાટો ચાલુ રાખશે. આ અંગે ટ્રમ્પે કહ્યું, જ્યાં સુધી અમે આ મુદ્દાનો ઉકેલ નહીં લાવીએ ત્યાં સુધી આ થશે નહીં. રાષ્ટ્રપતિ ડોનાલ્ડ ટ્રમ્પે અગાઉ રશિયા પાસેથી તેલ ખરીદતા દેશો પર ગૌણ ટેરિફ લાદવાની ચેતવણી આપી હતી તે પછી આ વાત સામે આવી છે.

અગાઉ, અમેરિકન રાષ્ટ્રપતિના વેપાર સલાહકારે ભારત પર લાદવામાં આવેલા ટેરિફ પર પોતાનો અભિપ્રાય આપતા ભારતને ટેરિફનો રાજા કહીને ભારત પર લાદવામાં આવેલા ટેરિફને યોગ્ય ઠેરવવાનો પ્રયાસ કર્યો હતો. બીજી તરફ, રશિયન તેલ ખરીદવા માટે ચીન પર ટેરિફ ન લાદવા અંગે, તેમણે કહ્યું હતું કે અમેરિકાએ પહેલાથી જ ચીન પર તે હદ સુધી ટેરિફ લાદી દીધો છે. જો તેના પર વધુ ટેરિફ લાદવામાં આવશે, તો તે અમેરિકાને મુશ્કેલીઓ આપવાનું શરૂૂ કરશે.