ભારત સાથે ઘણા ઓછા ટેરિફ સાથે વેપાર કરાર થશે: ટ્રમ્પનો ફરી દાવો

યુનાઇટેડ સ્ટેટ્સના રાષ્ટ્રપતિ ડોનાલ્ડ ટ્રમ્પે 1 જુલાઈ (સ્થાનિક સમય) ના રોજ ફરીથી પુષ્ટિ આપી હતી કે અમેરિકા અને ભારત વચ્ચે ઘણા ઓછા ટેરિફ સાથેનો વેપાર કરાર ટૂંક સમયમાં જાહેર કરવામાં આવશે.
મને લાગે છે કે આપણે ભારત સાથે એક સોદો કરવા જઈ રહ્યા છીએ. અને તે એક અલગ પ્રકારનો સોદો હશે. તે એક એવો સોદો હશે જેમાં આપણે જઈને સ્પર્ધા કરી શકીશું. હાલમાં, ભારત કોઈને પણ સ્વીકારતું નથી. મને લાગે છે કે ભારત તે કરવા જઈ રહ્યું છે, અને જો તેઓ તેમ કરશે, તો આપણે ઘણા ઓછા ટેરિફ માટે એક સોદો કરવા જઈ રહ્યા છીએ.

સરકારી સૂત્રોના હવાલાથી કહેવામાં આવ્યું છે કે ભારતે કૃષિ બાબતો પર કડક વલણ અપનાવ્યું છે કારણ કે વાટાઘાટો એક મહત્વપૂર્ણ ક્ષણે પહોંચી છે. મુખ્ય વાટાઘાટકાર રાજેશ અગ્રવાલના નેતૃત્વ હેઠળના ભારતીય પ્રતિનિધિમંડળે વોશિંગ્ટનમાં પોતાનો રોકાણ લંબાવ્યો છે.

3 અને 4 જુલાઈના રોજ બે વાટાઘાટો નક્કી કરવામાં આવી હતી, પરંતુ અહેવાલ મુજબ, બંને રાષ્ટ્રો 9 જુલાઈની મહત્વપૂર્ણ સમયમર્યાદા પહેલાં વચગાળાના વેપાર કરારને અંતિમ સ્વરૂૂપ આપવા માટે તાકીદે કામ કરી રહ્યા હોવાથી તે લંબાવવામાં આવી છે.