ચીન સાથે ડીલ થતાં ટિકટોક અમેરિકામાં કાર્યરત રહેશે: ટ્રમ્પ

અમેરિકાના રાષ્ટ્રપતિ ડોનાલ્ડ ટ્રમ્પે ટિકટોક ડીલ અંગે એક મોટું નિવેદન આપ્યું છે. તેમણે કહ્યું કે ટિકટોક ડીલ ટૂંક સમયમાં થવા જઈ રહી છે અને રોકાણકારો તેના માટે તૈયારી કરી રહ્યા છે. તેમણે શુક્રવારે સ્થાનિક સમય મુજબ કહ્યું કે ચીનના રાષ્ટ્રપતિ શી જિનપિંગે ટિકટોક ડીલને અમેરિકામાં કાર્યરત રહેવા માટે મંજૂરી આપી દીધી છે.

TikTok એક લોકપ્રિય વીડિયો -શેરિંગ પ્લેટફોર્મ છે જે વિશ્વભરના યુવાનો દ્વારા પ્રિય છે. ટ્રમ્પે એમ પણ કહ્યું કે આ સોદો યુનાઇટેડ સ્ટેટ્સને ફાયદો કરાવશે. ઓવલ ઓફિસમાં પત્રકારો સાથે વાત કરતા, રાષ્ટ્રપતિ ટ્રમ્પે કહ્યું, મારે રાષ્ટ્રપતિ શી જિનપિંગ સાથે સારી વાતચીત કરી. તેમણે TikTok સોદાને મંજૂરી આપી છે. અમે સોદાને અંતિમ સ્વરૂૂપ આપવાની રાહ જોઈ રહ્યા છીએ. અમારે તેના પર હસ્તાક્ષર કરવા પડશે; તે એક ઔપચારિકતા હોઈ શકે છે. જોકે, ટ્રમ્પે સ્પષ્ટતા કરી કે અમેરિકા એપ પર કડક નિયંત્રણ રાખશે.