આ તો ઉંદરડું હાથીને પાટુ મારવા નીકળ્યું, ભારત પર ટેરિફ એટલે આત્મઘાતી પગલું
બ્રિકસ દેશો વધુ મજબૂત બનશે: અમેરિકન અર્થશાસ્ત્રી કાળઝાળ
ભારત પર 50 ટકા ટેરિફ લાદીને યુએસ રાષ્ટ્રપતિ ડોનાલ્ડ ટ્રમ્પને અમેરિકામાં જ ઘેરી લેવામાં આવ્યા છે. ઘણા અમેરિકન અર્થશાસ્ત્રીઓ તેને યુએસ અર્થતંત્ર અને યુએસ વિદેશ નીતિ માટે આત્મઘાતી પગલું કહી રહ્યા છે. હવે અમેરિકન અર્થશાસ્ત્રી રિચાર્ડ વુલ્ફે એક ડગલું આગળ વધીને દાવો કર્યો છે કે ભારત પર ટેરિફ લાદવાના ટ્રમ્પના નિર્ણયથી બ્રિક્સ સંગઠન મજબૂત બનશે. તેમણે કહ્યું કે ટ્રમ્પ પોતાના પગમાં ગોળી મારી રહ્યા છે. રિચાર્ડ વુલ્ફે કહ્યું કે સંયુક્ત રાષ્ટ્ર અનુસાર, ભારત હવે વિશ્વનો સૌથી મોટો દેશ છે. અમેરિકા ભારતને શું કરવું તે કહે છે તે ઉંદર હાથીને પાટુ મારવા જેવું છે.
અમેરિકન વહીવટીતંત્ર દ્વારા ઘણા ભારતીય ઉત્પાદનો પર લાદવામાં આવેલ 50 ટકા ટેરિફ બુધવારથી અમલમાં આવ્યો છે. યુએસ પ્રમુખ ડોનાલ્ડ ટ્રમ્પે રશિયા પાસેથી ક્રૂડ ઓઇલ ખરીદવા બદલ ભારત પર ડબલ ટેરિફ લાદ્યો છે. ટ્રમ્પ કહે છે કે ભારત રશિયા પાસેથી ક્રૂડ ઓઇલ ખરીદીને યુક્રેન યુદ્ધને ભંડોળ પૂરું પાડી રહ્યું છે. તેમણે ભારત પરના દબાણને યુક્રેન યુદ્ધને સમાપ્ત કરવાના અભિયાનના ભાગ રૂૂપે વર્ણવ્યું છે.
રશિયા ટુડે સાથેની વાતચીતમાં, અમેરિકન અર્થશાસ્ત્રી રિચાર્ડ વુલ્ફે કહ્યું કે પજો અમેરિકા ભારત તરફનો રસ્તો બંધ કરે છે, તો ભારત તેના માલ વેચવા માટે અન્ય બજારો શોધી કાઢશે, અને આ પગલું બ્રિક્સ દેશોને વધુ મજબૂત બનાવશે.થ તેમણે કહ્યું, પજેમ રશિયાએ ક્રૂડ ઓઇલ માટે નવા બજારો શોધી કાઢ્યા છે, તેવી જ રીતે ભારત હવે તેની નિકાસ અમેરિકાને નહીં, પરંતુ બ્રિક્સ દેશોને વેચશે.
બ્રિક્સ દેશોમાં બ્રાઝિલ, રશિયા, ભારત, ચીન, દક્ષિણ આફ્રિકા, ઇજિપ્ત, ઇથોપિયા, ઇન્ડોનેશિયા, ઈરાન અને સંયુક્ત આરબ અમીરાતનો સમાવેશ થાય છે. આ જૂથનો ઉદ્દેશ્ય પશ્ચિમી દેશોના નાણાકીય વર્ચસ્વનો સામનો કરવાનો અને ડોલરના વર્ચસ્વને પડકારવા માટે વિકલ્પો શોધવાનો છે. વુલ્ફે કહ્યું, પજો તમે ચીન, ભારત, રશિયા અને બ્રિક્સને લો, તો કુલ વૈશ્વિક ઉત્પાદનમાં આ દેશોનો હિસ્સો 35% છે. ૠ7 દેશોનો હિસ્સો હવે ઘટીને લગભગ 28% થઈ ગયો છે.થ વુલ્ફે ચેતવણી આપી, તમે (ટ્રમ્પ) જે કરી રહ્યા છો તે બ્રિક્સને પશ્ચિમી દેશો માટે એક મોટો, વધુ સંકલિત અને સફળ આર્થિક વિકલ્પ બનવામાં મદદ કરશે. આપણે એક ઐતિહાસિક ક્ષણ જોઈ રહ્યા છીએ.
