2036 ઓલિમ્પિકની તૈયારી માટે હર્ષ સંઘવી સહિત સચિવો ફ્રાન્સ જશે

જો ભારતને યજમાની મળે તો ગુજરાત યજમાન બનશે, જુલાઈ 26થી ચાલુ થનારા ઓલિમ્પિક-24નો અભ્યાસ કરશે

મેગા મલ્ટી-સ્પોર્ટિંગ ઇવેન્ટ માટે ઇન્ફ્રાસ્ટ્રક્ચર અને વ્યવસ્થાનો અભ્યાસ કરવા અધિકારીઓનું એક પ્રતિનિધિમંડળ આ મહિનાના અંતમાં પેરિસ ઓલિમ્પિક ગેમ્સમાં જશે. આ મુલાકાત અમદાવાદ 2036 ઓલિમ્પિકની યજમાની માટે બિડ કરવાના હેતુથી આવી છે. 2024 પેરિસ ઓલિમ્પિક્સ 26 જુલાઈથી 11 ઓગસ્ટ દરમિયાન યોજાશે. આ પ્રતિનિધિમંડળમાં રમતગમત, યુવા અને સાંસ્કૃતિક પ્રવૃત્તિઓના મુખ્ય સચિવ અશ્વની કુમાર અને સ્પોર્ટ્સ ઓથોરિટી ઓફ ઈન્ડિયા (જઅઈં), ગાંધીનગરના પ્રાદેશિક નિર્દેશક મણિકાંત શર્માનો સમાવેશ થાય છે અને કદાચ સાથે ખેલ મંત્રી હર્ષ સંઘવી પ્રતિનિધિમંડળમાં જોડાઈ શકે છે.

ગાંધીનગરમાં ભારતમાં ફ્રાન્સના રાજદૂત સાથેની તાજેતરની બેઠકમાં મુખ્યમંત્રી ભૂપેન્દ્ર પટેલે આંતરરાષ્ટ્રિય મલ્ટી-સ્પોર્ટ ઈવેન્ટનું આયોજન કરવા માટે જરૂૂરી ઈન્ફ્રાસ્ટ્રક્ચર અને અન્ય સુવિધાઓમાં ફ્રાન્સના જ્ઞાન અને કૌશલ્યોનો લાભ લેવા માટે ગુજરાતનો રસ દર્શાવ્યો હતો. ભારત 2036 ઓલિમ્પિક માટે બિડ કરવાની યોજના ધરાવે છે, અમદાવાદને બિડ માટે યજમાન શહેર તરીકે પસંદ કરવામાં આવ્યું છે. ટોચના સૂત્રો સૂચવે છે કે રાજ્ય સરકાર પ્રતિનિધિમંડળને મોકલવા માટે કેન્દ્ર સરકાર સાથે સંકલન કરી રહી છે. એક સુત્રએ જણાવ્યા પ્રમાણે પેરિસ ઓલિમ્પિક ગેમ્સ માટે એક પ્રતિનિધિમંડળ મોકલવાનો ઈરાદો સરકાર ધરાવે છે જેથી ઈવેન્ટ માટે હયાત ઈન્ફ્રાસ્ટ્રક્ચર અને અન્ય સુવિધાઓનો અભ્યાસ કરવામાં આવે.

સીએમએ ભારપૂર્વક જણાવ્યું છે કે ગુજરાતનો હેતુ એ શોધવાનો છે કે રમતો માટે બનાવેલ ઇન્ફ્રાસ્ટ્રક્ચર ઇવેન્ટની બહાર લાંબા ગાળાના હેતુઓ કેવી રીતે પૂર્ણ કરી શકે છે. ફ્રેંચ એમ્બેસેડર એમેન્યુઅલ લેનેન સાથેની મુખ્યમંત્રીની બેઠક બાદ રાજ્ય સરકારના સત્તાવાર નિવેદનમાં જણાવાયું છે કે, ‘જો ભારત બિડ જીતે તો 2036માં ગુજરાતમાં ઓલિમ્પિક ગેમ્સના આયોજનમાં ફ્રાન્સની કુશળતાનો ઉપયોગ કરવા પર ચર્ચાઓ કરવામાં આવી છે.

2036 ઓલિમ્પિકની યજમાની માટે અમદાવાદની તૈયારીઓ શરૂ
સરદાર વલ્લભભાઈ પટેલ સ્પોર્ટ્સ એન્ક્લેવ, નરેન્દ્ર મોદી સ્ટેડિયમની બાજુમાં 236 એકરમાં ફેલાયેલું છે, લગભગ રૂૂ. 6,000 કરોડના ખર્ચે વિકસાવવામાં આવી રહ્યું છે અને તેમાં 20 ઓલિમ્પિક રમતોની શિસ્તની સુવિધાઓ હશે. આ પ્રોજેક્ટનો માસ્ટર પ્લાન ફાઈનલ થઈ ગયો છે. વધુમાં, નારણપુરા સ્પોર્ટ્સ કોમ્પ્લેક્સ, રૂૂ. 631.77 કરોડના રોકાણ સાથે 20.39 એકરમાં ફેલાયેલું, જો અમદાવાદ ઓલિમ્પિક બિડ જીતશે તો અનેક રમતગમતની સ્પર્ધાઓ યોજશે. રાજ્ય સરકાર, અમદાવાદ અર્બન ડેવલપમેન્ટ ઓથોરિટી (ઔડા) દ્વારા, શહેરની પશ્ચિમી હદમાં મણિપુર-ગોધાવી ખાતે ઓલિમ્પિક વિલેજનું પણ આયોજન કરી રહી છે. આ વિલેજ અને તાલીમ કેન્દ્ર 200 એકર વિસ્તારને આવરી લેશે અને રમતવીરો માટે વ્યાપક સુવિધાઓ પૂરી પાડશે.