આતંકી હાફિઝ સઇદનો પુત્ર ઇમરાન સામે ચૂંટણી લડશે

પાડોશી દેશ પાકિસ્તાનથી મોટા સમાચાર આવી રહ્યા છે. મીડિયા રિપોર્ટ્સ અનુસાર આતંકી હાફિઝ સઈદનો પુત્ર હવે ચૂંટણી લડવા જઈ રહ્યો છે. આતંકવાદી હાફિઝ સઈદનો પુત્ર તલ્હા સઈદ લાહોરથી ચૂંટણીની તૈયારી કરી રહ્યો છે. સૌથી મહત્વની વાત એ છે કે તેઓ પાકિસ્તાનના પૂર્વ પીએમ ઈમરાન ખાન સામે ચૂંટણી લડી રહ્યા છે. તેમણે પણ ઉમેદવારી નોંધાવી હોવાનું જાણવા મળે છે.
ઉલ્લેખનીય છે કે હાફિઝ સઈદ ભારતનો મોસ્ટ વોન્ટેડ આતંકવાદી છે. તે મુંબઈ હુમલાનો માસ્ટરમાઇન્ડ પણ છે. અહેવાલ છે કે હાફિઝ સઈદ હાલમાં પાકિસ્તાનની જેલમાં બંધ છે. તમને જણાવી દઈએ કે, આ પહેલીવાર નથી જ્યારે હાફિઝ સઈદનો પુત્ર સામાન્ય ચૂંટણી લડવાની તૈયારી કરી રહ્યો છે. આ પહેલા પણ તેઓ ચૂંટણી લડી ચૂક્યા છે. મીડિયા રિપોર્ટ્સ અનુસાર, તેણે વર્ષ 2018માં પાકિસ્તાનમાં સામાન્ય ચૂંટણી લડી હતી. તલ્હાએ વર્ષ 2018માં સરગોધાથી ચૂંટણી લડી હતી. જોકે તેઓ ચૂંટણી હારી ગયા હતા. હવે ફરી એકવાર તેઓ ચૂંટણી લડી રહ્યા છે. ઉલ્લેખનીય છે કે તેના પિતા હાફિઝ સઈદની જેમ તલ્હા સઈદ પણ ભારત વિરોધી અભિયાનમાં સામેલ રહ્યો છે. ભારત સરકારે પણ તેને આતંકવાદી જાહેર કર્યો છે. અહેવાલ છે કે હાફિઝ જેલમાં ગયા બાદ તલ્હા સઈદ લશ્કર-એ-તૈયબા ચલાવી રહ્યો છે.