આલે લે... લોકો પાસે ટૂથબ્રશ કરતાં મોબાઇલ ફોન વધુ
આજકાલ બેંકિંગથી લઈને ઈન્સ્યોરન્સ સુધી અને વાતથી લઈને મેઈલ મોકલવા સુધીના તમામ કામ મોબાઈલ પર જ થાય છે. દરેક વ્યક્તિ પોતાનો ફોન પસંદ કરે છે અને તેને પોતાના જીવનનો મહત્ત્વપૂર્ણ ભાગ માને છે. પરંતુ, મોબાઈલ સાથે જોડાયેલા ઘણા એવા તથ્યો છે જેના વિશે ભાગ્યે જ કોઈ જાણતું હશે.
મોબાઇલ માર્કેટિંગ એસોસિએશન એશિયા અનુસાર, વિશ્વમાં લગભગ 6.8 અબજ લોકો છે. તેમાંથી ટૂથબ્રશ 4.2 અબજ લોકો સુધી પહોંચી ગયા છે, જ્યારે 5.1 અબજ લોકો પાસે મોબાઈલ ફોન છે. એટલે કે ટૂથબ્રશ કરતા મોબાઈલની પહોંચ લગભગ 90 કરોડ વધુ છે.
જો આપણે દુનિયામાં સૌથી વધુ વેચાતા મોબાઈલ મોડલની વાત કરીએ તો આ મામલે નોકિયા 1100નો કોઈ જવાબ નથી. જો કે આ મોડલ હવે બંધ કરી દેવામાં આવ્યું છે, પરંતુ તેના વિશ્વભરમાં લગભગ 25 કરોડ પ્રોડક્ટસ વેચાયા છે.
હાલમાં, વોટરપ્રૂફ મોબાઈલ ફોન ભારતમાં સામાન્ય માણસની પહોંચની બહાર છે. પરંતુ, વિશ્વમાં જાપાન એકમાત્ર એવો દેશ છે જ્યાં 90 ટકા મોબાઈલ ફોન વોટરપ્રૂફ છે.વિશ્વનો પહેલો ટચસ્ક્રીન સ્માર્ટફોન વર્ષ 1993માં જ બનાવવામાં આવ્યો હતો. આ ફોન બેલસાઉથ સેલ્યુલર દ્વારા બનાવવામાં આવ્યો હતો અને આઈબીએમ દ્વારા ડિઝાઇન કરવામાં આવ્યો હતો.
આ મોબાઈલનું નામ સિમોન હતું.
મોટોરોલા દ્વારા વિશ્વનો પ્રથમ મોબાઈલ ફોન ડાયના ટીએસી 8000એક્સ હતો, જે કંપનીના વરિષ્ઠ કર્મચારી માર્ટિન કૂપર દ્વારા 3 એપ્રિલ, 1974ના રોજ બનાવવામાં આવ્યો હતો. તેનું વજન લગભગ 1.1 કિલો હતું.
લોકો મોબાઈલ ફોનના એટલા બંધાણી થઈ ગયા છે કે હવે તેઓ તેના વગર એક ક્ષણ પણ રહી શકતા નથી. 90 ટકા યુવા પેઢી 24 કલાક પોતાના મોબાઈલ ફોન સાથે રાખે છે. તેમાંથી 47 ટકા લોકો કહે છે કે તેઓ તેમના ફોન વિના જીવી શકતા નથી.