‘ઓપરેશન સિંદૂર’ સામે પાક.નું ‘બુન્યાન ઉલ મારસૂસ’: દિલ્હીને ટાર્ગેટ કરેલી ફતેહ મિસાઇલ તોડી પડાઇ

ભારત-પાકિસ્તાન ફતેહ-1 મિસાઇલ: ઓપરેશન સિંદૂરના જવાબમાં, પાકિસ્તાને શનિવારે ભારત વિરુદ્ધ ઓપરેશન બુન્યાન ઉલ મારસૂસ શરૂૂ કર્યું. આ પછી, ભારતના તમામ મુખ્ય શહેરોમાં હાઇ એલર્ટ પર મૂકવામાં આવ્યા છે. શનિવારે વહેલી સવારે પાકિસ્તાને ભારત તરફ લાંબા અંતરની ફતેહ-2 બેલિસ્ટિક મિસાઇલ છોડી હતી. હરિયાણાના સિરસામાં વાયુ સંરક્ષણ પ્રણાલીએ તેને અટકાવ્યું અને સફળતાપૂર્વક તેને નિષ્ક્રિય કર્યું. મીડિયા રિપોર્ટ્સમાં દાવો કરવામાં આવ્યો છે કે ફતેહ-2 દિલ્હીને નિશાન બનાવીને ફાયર કરવામાં આવ્યું હતું. જોકે, ભારત દ્વારા આ વાતની સત્તાવાર પુષ્ટિ કરવામાં આવી નથી.

બીજી તરફ પડોશી દેશે તેની નાપાક પ્રવૃત્તિઓને ઓપરેશન બુન્યાન-એ-મર્સૂસ નામ આપ્યું છે. બુનિયા-એ-મર્સૂસ અરબી શબ્દ છે. તેનો શાબ્દિક અર્થ છે - ખૂબ જ મજબૂત પાયો. સીસાથી જોડાયેલી ઇમારતનો પાયો અથવા સીસાથી બનેલો પાયો, (એટલે કે) ખૂબ જ મજબૂત અને મજબૂત પાયો.