લોસ એન્જલસની આગમાંથી માંડ-માંડ બચી નોરા ફતેહી

અમેરિકાના લોસ એન્જલસમાં લાગેલી આગને કારણે હજારો ઇમારતો બળીને ખાક થઈ ગઈ હતી અને 1 લાખ 30 હજારથી વધુ લોકોને ઘર ખાલી કરવાની ફરજ પડી હતી. આ વિસ્તાર સેલિબ્રિટીઝના ઘર માટે જાણીતો છે, જેમાંથી મોટાભાગની હોલીવુડ સેલિબ્રિટીઓ છે. આ જ લિસ્ટમાં અભિનેત્રી નોરા ફતેહી પણ જંગલની આગમાં ફસાઈ ગઈ અને તેણે પોતાનું ઘર ખાલી કરીને ભાગવું પડ્યું છે.

નોરા ફતેહીએ વીડિયો શેર કરીને કહ્યું, હું લોસ એન્જલસમાં છું અને જંગલમાં લાગેલી આગ ખૂબ જ ભયાનક છે. મેં આના જેવું પહેલાં ક્યારેય જોયું નથી, અમને ફક્ત 5 મિનિટ પહેલા જ અહીંથી જવાનો ઓર્ડર મળ્યો હતો, તેથી મેં મારી બધી સામગ્રી ઝડપથી પેક કરી લીધી અને હું આ વિસ્તાર છોડી રહી છું. હું એરપોર્ટની નજીક જઈશ અને ત્યાં રહીશ, કારણ કે મારી આજે ફ્લાઈટ છે અને મને આશા છે કે હું તેમાં જઈ શકીશ. હું આશા રાખું છું કે તે રદ ન થાય કારણ કે આ બધું ખૂબ જ ડરામણું છે. આવો અનુભવ મને પહેલાં ક્યારેય થયો નથી. હું તમને લોકો અપડેટ રાખીશ. આશા છે કે હું સમયસર બહાર નીકળી શકીશ. અને હા, હું આશા રાખું છું કે લોકો લોસ એન્જલસમાં સુરક્ષિત રહે.