પૂર્વી કોંગોમાં આઇએસના બળવાખોરોએ 60 લોકોને છરા મારી વેંતરી નાખ્યા
અંતિમ સંસ્કાર માટે એકત્ર થયેલા લોકો ભોગ બન્યા
મંગળવારે રાત્રે પૂર્વી કોંગોમાં ઇસ્લામિક સ્ટેટ સાથે જોડાયેલા બળવાખોર જૂથ એલાઇડ ડેમોક્રેટિક ફોર્સિસ (ADF) દ્વારા કરવામાં આવેલા હુમલામાં ઓછામાં ઓછા 60 લોકો માર્યા ગયા.
આ હુમલો ત્યારે થયો જ્યારે લોકો અંતિમ સંસ્કારમાં ભેગા થયા હતા. એક પ્રત્યક્ષદર્શીએ મીડિયાને જણાવ્યું, લગભગ 10 હુમલાખોરો હતા. તેમની પાસે છરીઓ (મોટા છરીઓ) હતી. તેઓએ લોકોને એક જગ્યાએ ભેગા થવા કહ્યું અને પછી તેમને મારવાનું શરૂૂ કર્યું. મેં લોકોને ચીસો પાડતા સાંભળ્યા અને બેહોશ થઈ ગયા.
લુબેરો પ્રદેશના વહીવટકર્તા કર્નલ એલન કિવેવાએ જણાવ્યું કે મૃત્યુઆંક લગભગ 60 હતો, પરંતુ અંતિમ આંકડો હજુ સ્પષ્ટ નથી. તેમણે કહ્યું, અમે આ વિસ્તારમાં સેવાઓ મોકલી છે જેથી લોકોની ગણતરી કરી શકાય.
મંગળવારે, ADF એ બેની પ્રદેશમાં બીજો હુમલો કર્યો, જેમાં 18 લોકો માર્યા ગયા. કોંગો-યુગાન્ડા સરહદ પર સક્રિય ADF એ 2019 માં ઇસ્લામિક સ્ટેટ પ્રત્યે વફાદારી દાખવી હતી. કોંગો અને યુગાન્ડાની કાર્યવાહી છતાં, આ જૂથ નાગરિકો પર હુમલો કરી રહ્યું છે. જુલાઈમાં, ADF એ ઇટુરી પ્રાંતમાં બે મોટા હુમલા કર્યા હતા, જેમાં 34 લોકો માર્યા ગયા હતા અને 66 લોકો માર્યા ગયા હતા. આ પ્રદેશમાં ઘણા જૂથો સક્રિય છે, જેમાં રવાન્ડા સમર્થિત ખ23 બળવાખોરો અને કોંગો સરકાર વચ્ચેનો મોટો સંઘર્ષ પણ સામેલ છે.
યુએન માનવ અધિકાર કમિશનર વોલ્કર તુર્કે જણાવ્યું હતું કે ADF સુરક્ષાના અભાવનો લાભ લઈને હુમલાઓ કરી રહ્યું છે. સ્થાનિક લોકો ભય અને અનિશ્ચિતતામાં જીવી રહ્યા છે, અને પરિસ્થિતિ સતત બગડી રહી છે.
