'ઈરાને મોટી ભૂલ કરી, તેની કિંમત તો ચૂકવવી પડશે..' મિસાઈલ એટેક બાદ વડાપ્રધાન નેતન્યાહૂની ખુલ્લી ધમકી

ઈરાનના મિસાઈલ હુમલા બાદ ઈઝરાયેલના વડાપ્રધાન બેન્જામિન નેતન્યાહુએ ચેતવણી આપી છે. તેમને કહ્યું છે કે, ઈરાને મિસાઈલ છોડીને મોટી ભૂલ કરી છે. જેરુસલેમમાં સુરક્ષા કેબિનેટની બેઠક દરમિયાન તેમણે કહ્યું કે ઈરાને તેની કિંમત ચૂકવવી પડશે. નેતન્યાહુએ કહ્યું કે ગઈકાલની સાંજે ઇઝરાયેલ પર ઈરાનનો હુમલો "નિષ્ફળ" રહ્યો હતો. તેમણે કર્યું કે અમારા સમર્થન માટે અમેરિકાનો આભાર માન્યો છે. તેમણે કહ્યું કે વિશ્વમાં સૌથી વધુ આધુનિક ઇઝરાયેલની એર ડિફેન્સ છે, જેના થકી અમે ઈરાનના હુમલાને નિષ્ફળ બનાવ્યો છે.

તેણે સોશિયલ મીડિયા પ્લેટફોર્મ X પર એક પોસ્ટમાં લખ્યું છે કે "ઈરાને આજે રાત્રે એક મોટી ભૂલ કરી છે, અને તેને કિંમત ચૂકવવી પડશે", તેણે આગળ લખ્યું, "હું જાફામાં ઘૃણાસ્પદ આતંકવાદી હુમલામાં માર્યા ગયેલા લોકોના પરિવારો પ્રત્યે મારી સંવેદના વ્યક્ત કરું છું અને ઘાયલોને ઝડપથી સ્વસ્થ થવાની ઈચ્છા કરું છું. મિસાઈલ હુમલાની જેમ, આ આતંકવાદી હુમલા પાછળ પણ એક ખૂની માર્ગદર્શક હાથ હતો." "

નેતન્યાહૂ અહીં જ અટક્યા નથી. તેણે આગળ લખ્યું, "ઈરાને એક મોટી ભૂલ કરી છે - અને તે તેની કિંમત ચૂકવશે. તેહરાનનું શાસન આપણી જાતને બચાવવા અને આપણા દુશ્મનો પાસેથી કિંમત કાઢવાના અમારા નિર્ધારને સમજી શકતું નથી. સિનવાર અને ડેફ આ સમજી શક્યા નહીં, નસરાલ્લાહ કે મોહસીન પણ નહિ , તેહરાનમાં એવા લોકો છે જે આને નથી સમજતાં. તેઓ અને સમજશે, જેઓ અમારા સ્થાપિત નિયમને વળગી રહેશે: જે પણ અમારા પર હુમલો કરે છે.'

ઈઝરાયેલના અધિકારીઓના જણાવ્યા અનુસાર આ હુમલામાં લગભગ 200થી વધુ મિસાઈલો છોડવામાં આવી હતી. ઇઝરાયેલી સંરક્ષણ દળોએ જણાવ્યું હતું કે તેમાંથી સંખ્યાબંધ મિસાઈલોને તોડી પાડી હતી, જો કે વેસ્ટબેન્કમાં એક પેલેસ્ટિનિયનનું મૃત્યુ થયું હતું અને બે ઇઝરાયેલીઓ ઘાયલ થયા હતા કારણ કે આ વિસ્તારમાં છરા અને મિસાઈલનો કાટમાળ પડ્યો હતો, જેના કારણે નુકસાન થયું હતું અને આગ લાગી હતી.

વિસ્ફોટોનો અવાજ આખા ઈઝરાયેલમાં સંભળાયો હતો. જેરુસલેમ અને જોર્ડન ખીણમાંથી જીવંત પ્રસારણ દરમિયાન ટેલિવિઝનના પત્રકારો જમીન સૂઈ ગયા હતા જેથી હુમલાથી બચી શકાય. મધ્ય ઇઝરાયેલના ગેડેરામાં એક શાળા પર મિસાઈનો વિસ્ફોટ થયો હતો. જોકે આ ઘટનામાં કોઈને ઈજા થઈ નથી. હોમ ફ્રન્ટ કમાન્ડના વડા મેજર જનરલ રફી મિલોએ અસરગ્રસ્ત સ્થળની મુલાકાત લીધી હતી.

જાપાન અને અમેરિકાએ આ પ્રતિક્રિયા આપી છે

જાપાન અને અમેરિકાએ ઈરાન દ્વારા ઈઝરાયેલ પરના હુમલાની નિંદા કરી છે. જાપાનના નવા વડાપ્રધાન શિગેરુ ઈશિબાએ કહ્યું કે ઈરાન દ્વારા ઈઝરાયેલ પર મિસાઈલ હુમલા અસ્વીકાર્ય છે. અમે આની સખત નિંદા કરીએ છીએ, પરંતુ તે જ સમયે, અમે પરિસ્થિતિને દૂર કરવા અને તેને સંપૂર્ણ પાયે યુદ્ધમાં ફેરવાતા અટકાવવા માટે (યુનાઇટેડ સ્ટેટ્સ સાથે) સહયોગ કરવા માંગીએ છીએ. તે જ સમયે, અમેરિકાએ વ્યાપક યુદ્ધની આશંકાને કારણે તેહરાનના હુમલા સામે જવાબી કાર્યવાહી કરવાનું વચન આપ્યું છે. વોશિંગ્ટને કહ્યું કે તે લાંબા સમયથી સાથી ઇઝરાયેલ સાથે કામ કરશે.