ભારતીયોને તાત્કાલિક સીરિયા છોડવા એડવાઇઝરી

સીરિયામાં બળવાખોરો દ્વારા નરસંહાર અને ઉથલપાથલને જોતા ભારતે શુક્રવારે મોડી રાત્રે તેના નાગરિકો માટે તાકીદની એડવાઈઝરી જારી કરી છે. ભારત તરફથી જારી કરવામાં આવેલી એડવાઈઝરીમાં કહેવામાં આવ્યું છે કે લોકોએ સીરિયા જવાનું ટાળવું જોઈએ. આ સિવાય વિદેશ મંત્રાલયે સીરિયામાં રહેતા ભારતીય નાગરિકોને તાત્કાલિક સીરિયા છોડવાનો પ્રયાસ કરવા જણાવ્યું છે. આ સિવાય જે લોકો સીરિયા છોડી શકતા નથી તેઓએ ભારતીય દૂતાવાસના સંપર્કમાં રહેવું જોઈએ. વિદેશ મંત્રાલયે હેલ્પલાઈન નંબર પણ જાહેર કર્યો છે.

હેલ્પલાઇન નંબર છે- 963993 385973. આના પર વોટ્સએપ મેસેજ પણ મોકલી શકાય છે. આ સિવાય દૂતાવાસનો hoc.damas cusmea. gov.in પર ઈમેલ દ્વારા પણ સંપર્ક કરી શકાય છે. જેમ જેમ ઇસ્લામવાદી આગેવાની હેઠળના બળવાખોરોએ સીરિયામાં નિયંત્રણ મેળવ્યું છે, નજર રાખી રહ્યું છે. દેશના સૌથી મોટા શહેર એલેપ્પોના મોટા ભાગના વિસ્તાર પર કબજો કર્યા પછી, બળવાખોરોએ ગુરુવારે મધ્ય સીરિયન શહેર હોમ્સ પર પણ મોટા પાયે કબજો કરી લીધો છે.

મંત્રાલયે જણાવ્યું હતું કે, જે લોકો જઈ શકે છે તેઓને જલદી ઉપલબ્ધ વ્યાપારી ફ્લાઇટ્સ દ્વારા સીરિયા છોડવાની સલાહ આપવામાં આવે છે અને અન્ય લોકોને તેમની સલામતી અંગે અત્યંત સાવધાની રાખવા અને તેમની હિલચાલને ન્યૂનતમ સુધી મર્યાદિત કરવા વિનંતી કરવામાં આવે છે. નોંધનીય છે કે ઇસ્લામિક આતંકવાદી જૂથ હયાત તહરિર અલ-શામ (ઇંઝજ) એ મુખ્ય શહેર હમા પર કબજો કરી લીધો છે અને તે હોમ્સ શહેર તરફ આગળ વધી રહ્યું છે.