ચૂંટણીમાં ટ્રમ્પ હારશે તો મને જેલ ભેગો કરાશે: મસ્ક
વિશ્ર્વના સૌથી ધનિક માણસને રાજકારણનો ડર!
ઈલોન મસ્કને ડર છે કે જો ડોનાલ્ડ ટ્રમ્પ આગામી પ્રમુખપદની ચૂંટણીમાં કમલા હેરિસ સામે હારી જશે તો તેમને જેલ પણ થઈ શકે છે. મસ્કે એમ પણ કહ્યું હતું કે જો કમલા હેરિસ ચૂંટણી જીતે છે તો શક્ય છે કે અમેરિકામાં ફરી ક્યારેય ચૂંટણી નહીં થાય. મસ્કે આ વાત એક ઈન્ટરવ્યુ દરમિયાન કહી હતી. ઉલ્લેખનીય છે કે અમેરિકામાં રાષ્ટ્રપતિની ચૂંટણીમાં એલન મસ્ક ડોનાલ્ડ ટ્રમ્પનું ખુલ્લેઆમ સમર્થન કરી રહ્યા છે.
એન્કર ટકર કાર્લસન સાથેની મુલાકાતમાં, એલોન મસ્કને પૂછવામાં આવ્યું હતું કે જો ડોનાલ્ડ ટ્રમ્પ ચૂંટણી હારી જશે તો શું થશે? આ સવાલ પર ટ્રમ્પ પહેલા ચોંકી ગયા અને પછી હસતાં હસતાં કહ્યું, જો ટ્રમ્પ ચૂંટણી હારી જાય તો સમજી લે કે હું ગયો છું. તમને લાગે છે કે હું કેટલા વર્ષ માટે જેલમાં જઈશ? શું હું મારા બાળકોને પણ જોઈ શકીશ? મને ખબર નથી. ઉલ્લેખનીય છે કે ઈલોન મસ્કએ રાષ્ટ્રપતિની ચૂંટણીમાં ડોનાલ્ડ ટ્રમ્પનું ખુલ્લેઆમ સમર્થન કર્યું હતું અને તાજેતરમાં જ પેન્સિલવેનિયાના બટલરમાં ટ્રમ્પની રેલીમાં ઈલોન મસ્કે પૂર્વ રાષ્ટ્રપતિ સાથે સ્ટેજ શેર કરીને ટ્રમ્પને ચૂંટણી જીતવાની અપીલ કરી હતી.
