કેનેડા સંસદીય ચૂંટણીઓમાં 65 પંજાબી ઉમેદવારોમાંથી 22 ચૂંટાતા ઇતિહાસ રચાયો

કેનેડામાં ફેડરલ ચૂંટણીમાં વડા પ્રધાન માર્ક કાર્નીના નેતૃત્વ હેઠળની શાસક લિબરલ પાર્ટીએ પ્રચંડ વિજય મેળવ્યો છે. લિબરલ પાર્ટીએ સરકાર બનાવવા માટે સંસદમાં પૂરતી બેઠકો જીતી લીધી છે. આ ચૂંટણીમાં પંજાબીઓએ મોટી સંખ્યામાં જીતીને ઇતિહાસ રચ્યો છે. આ વખતે 22 પંજાબી ઉમેદવારો કેનેડિયન સંસદમાં પહોંચ્યા છે, જે અત્યાર સુધીની સૌથી મોટી સંખ્યા છે.

બીસીના સુખ ધાલીવાલ સતત છઠ્ઠી વખત સાંસદ બન્યા છે. બ્રેમ્પટન સેન્ટરમાં લિબરલ ઉમેદવાર અમનદીપ સોહીએ તરણ ચહલને હરાવ્યા. બ્રેમ્પટન ઈસ્ટમાં લિબરલ ઉમેદવાર મનિન્દર સિદ્ધુએ ક્ધઝર્વેટિવ ઉમેદવાર બોબ દોસાંજને હરાવ્યા. બ્રેમ્પટન નોર્થમાં લિબરલ રૂૂબી સહોટાએ ક્ધઝર્વેટિવ અમનદીપ જજને હરાવ્યા. બ્રેમ્પટન સાઉથમાં ક્ધઝર્વેટિવ ઉમેદવાર સુખદીપ કાંગે લિબરલ ઉમેદવાર સોનિયા સિદ્ધુને હરાવ્યા. ક્ધઝર્વેટિવ ઉમેદવાર અમરજીત ગિલે બ્રેમ્પટન વેસ્ટથી વર્તમાન મંત્રી કમલ ખેરાને હરાવ્યા.

લિબરલ પાર્ટીના રણદીપ સરાઈ ચોથી વખત સરેથી સંસદ સભ્ય બન્યા છે. ઓકવિલે પૂર્વથી અનિતા આનંદ, વોટરલૂથી બર્દિશ ચગર, ડોરવલ લાચીનથી અંજુ ધિલ્લોન, મિસિસૌગા માલ્ટનથી ઇકવિંદર સિંહ ગહીર, ફ્લીટવુડ પોર્ટ કેલ્સથી ગુરબક્ષ સૈની, રિચમંડ પૂર્વથી સ્ટીવસ્ટનથી પરમ બેન્સ સાંસદ બન્યા છે.

પંજાબ મૂળના ક્ધઝર્વેટિવ પાર્ટીના વિજેતાઓમાં કેલગરી પૂર્વથી જસરાજ હાલન, કેલગરી મેકનાઈટથી દલવિંદર ગિલ, કેલગરી સ્કાયવ્યૂથી અમનપ્રીત ગિલ, ઓક્સફર્ડથી અર્પણ ખન્ના, એડમોન્ટન ગેટવેથી ટિમ ઉપ્પલ, મિલ્ટન પૂર્વથી પરમ ગિલ, એબોટ્સફોર્ડ સાઉથ લેંગલીથી સુખમન ગિલ, એડમોન્ટન સાઉથઈસ્ટથી જગશરણ સિંહ મહલ અને વિન્ડસર વેસ્ટથી હર્બ ગિલનો સમાવેશ થાય છે.કેનેડાની દક્ષિણ એશિયાઈ વસ્તીનો એક મહત્વપૂર્ણ ભાગ, પંજાબી-કેનેડિયન સમુદાયે આ ચૂંટણીમાં મહત્વપૂર્ણ ભૂમિકા ભજવી હતી. 2021માં 18 પંજાબીઓ જીત્યા હતા, જ્યારે 2019ની ફેડરલ ચૂંટણીમાં પંજાબી મૂળના 20 સાંસદ ચૂંટાયા હતા.