ટેરિફ વિવાદ વચ્ચે ભારત અને અમેરિકાની કંપની વચ્ચે સંરક્ષણ સોદો

ફાઇટર જેટના એન્જિન પૂરા પાડવા 1 અબજ ડોલરનો સોદો

ભારત તેની ત્રણેય સેનાઓને મજબૂત બનાવવામાં વ્યસ્ત છે. આવનારા દિવસોની પરિસ્થિતિઓને ધ્યાનમાં રાખીને તૈયારીઓ પણ શરૂૂ કરી દેવામાં આવી છે. ભારત સરકારે તાજેતરમાં 97 વધુ LCA Mark 1A ફાઇટર જેટ ખરીદવા માટે 62 હજાર કરોડ રૂૂપિયાના સોદાને મંજૂરી આપી હતી. આ પછી, ટૂંક સમયમાં આ સોદાને અંતિમ સ્વરૂૂપ આપવાની વાત થઈ હતી, પરંતુ હવે ભારત સરકારે અમેરિકન કંપની GE સાથે તેના ફાઇટર જેટની ફાયરપાવરને મજબૂત બનાવવા માટે 113 GE-404 એન્જિન સપ્લાય કરવા માટે કરાર પર હસ્તાક્ષર કર્યા છે.

એવું કહેવામાં આવી રહ્યું છે કે ટૂંક સમયમાં ભારત અને અમેરિકન કંપની વચ્ચે 1 અબજ ડોલરનો સોદો થશે.ભારત સરકારની હિન્દુસ્તાન એરોનોટિક્સ લિમિટેડે ભારતીય વાયુસેના માટે 83 LCA માર્ક 1A વિમાન માટે 99 GE-404 માટે પહેલાથી જ સોદો કર્યો છે. આ 113 એન્જિન વધારાના હશે અને આ સોદો આ વર્ષે સપ્ટેમ્બર સુધીમાં પૂર્ણ થઈ શકે છે. આ સોદા હેઠળ, HALને સમયસર 212 GE-404 એન્જિન મળશે, જેથી એન્જિનના પુરવઠામાં કોઈ વિલંબ ન થાય.

એવું કહેવામાં આવી રહ્યું છે કે હિન્દુસ્તાન એરોનોટિક્સ લિમિટેડ HAL 2029-30ના અંત સુધીમાં પ્રથમ 83 વિમાનો અને 2033-34 સુધીમાં 97 LCA માર્ક 1અની આગામી બેચ સપ્લાય કરવા માટે કામ કરી રહી છે. ભારતીય કાર્યક્રમ પ્રત્યેની પોતાની પ્રતિબદ્ધતા પૂર્ણ કરવા માટે, હવેથી તે અમેરિકન GE પાસેથી દર મહિને બે એન્જિન ખરીદશે.