ટ્રમ્પની હાજરીમાં તેના ટેકેદાર અને મસ્ક વચ્ચે ઝપાઝપી

ડેવિડ બેસેન્ટે આક્ષેપ કર્યા પછી ઉગ્રતા મારામારીમાં ફેરવાઇ

અમેરિકાના રાષ્ટ્રપતિ ડોનાલ્ડ ટ્રમ્પ અને ટેસ્લા તથા એક્સ (અગાઉ ટ્વિટર)ના મુખ્ય કાર્યકારી અધિકારી એલોન મસ્ક વચ્ચેનો વિવાદ હવે નવી ઊંચાઈએ પહોંચ્યો છે. તાજેતરના અહેવાલો અનુસાર, એલોન મસ્ક અને ટ્રમ્પના નજીકના સમર્થક તથા અગ્રણી રાજકીય વ્યૂહરચનાકાર ડેવિડ બેસેન્ટ વચ્ચે વ્હાઇટ હાઉસમાં શારીરિક ઝપાઝપી થઈ હતી. આ ઘટના બાદ ટ્રમ્પે મસ્કને ખાનગી વાતચીતમાં મોટો નશાખોર (ડ્રગિસ્ટ) ગણાવ્યા હોવાનું પણ સામે આવ્યું છે.

ધ વોલ સ્ટ્રીટ જર્નલ અને વોશિંગ્ટન પોસ્ટના અહેવાલો અનુસાર, આ વિવાદની શરૂૂઆત ત્યારે થઈ જ્યારે ડેવિડ બેસેન્ટે મસ્કને છેતરપિંડી કરનાર ગણાવ્યા. આના જવાબમાં મસ્કે બેસેન્ટને સોરોસનો એજન્ટ અને નિષ્ફળ હેજ ફંડનો સંચાલક કહીને જવાબ આપ્યો.

આ પછી આ શાબ્દિક ઝઘડો ટૂંક સમયમાં શારીરિક ઝપાઝપીમાં ફેરવાઈ ગયો, જે વ્હાઇટ હાઉસના પશ્ચિમ વિભાગમાં બન્યો. આ ઘટના રાષ્ટ્રપતિ ટ્રમ્પની હાજરીમાં બની હોવાનું પણ બે સાક્ષીઓએ જણાવ્યું છે.