સાત ધાતુઓની નિકાસ ઉપર પ્રતિબંધ મુકી ચીને નાક દબાવ્યું

ચીને અમેરિકન ટેરિફને જડબાતોડ જવાબ આપ્યો છે. તેણે સાત આવશ્યક ચીજવસ્તુઓની નિકાસ પર પ્રતિબંધ મૂક્યો છે. મોટી વાત એ છે કે પ્રતિબંધ તમામ દેશો પર લાગુ છે. ચીને સેમેરિયમ, ગેડોલિનિયમ, ટેર્બિયમ, ડિસપ્રોસિયમ, લ્યુટેટીયમ, સ્કેન્ડિયમ અને યટ્રીયમની નિકાસ પર પ્રતિબંધ મૂકવાનો નિર્ણય કર્યો છે. હવે, ચીને જેની નિકાસ પર પ્રતિબંધ મૂક્યો છે તેનો સીધો સંબંધ કોઈપણ સામાન્ય માણસ સાથે છે. તેનો ઉપયોગ વાયર, સળિયા, પાવડર, પ્લેટ અને ટ્યુબમાં પણ થાય છે.

નિષ્ણાતો માને છે કે ચીનના આ પગલાની વધુ અસર થશે કારણ કે ડ્રેગન ખરેખર આ વસ્તુઓ માટે બજારનો સૌથી મોટો રાજા છે. 2024ની વાત કરીએ તો ચીને આ દુર્લભ ધાતુનું 2,70,000 ટન ઉત્પાદન કર્યું હતું. આ આંકડો અમેરિકા કરતા પાંચ ગણો વધુ છે. આ જ કારણસર અમેરિકા પોતાની જરૂૂરિયાતના 70 ટકા ચીન પાસેથી માંગે છે. હવે જ્યારે ચીને આ સામાનની નિકાસ પર પ્રતિબંધ મૂક્યો છે ત્યારે અમેરિકા પર દબાણ લાવવાનો આ એક મોટો પ્રયાસ છે.

-----