ચીને તાકાત દેખાડી: અમેરિકાને આંટી દે તેવી અણુ મિસાઇલનું પ્રદર્શન

પુતિન, ઉત્તર કોરિયાના તાનાશાહ સહિત 26 રાષ્ટ્રપ્રમુખોની હાજરીમાં નવા લેસર, અન્ડરવોટર ડ્રોન સહિતના વિનાશક શસ્ત્રો બતાવ્યા

અમે અવિનાશી, ગુંડાગીરી સહન નહીં કરીએ: ટ્રમ્પને જિનપિંગનો સીધો સંદેશ

ચીનના રાષ્ટ્રપતિ શી જિનપિંગ રશિયન રાષ્ટ્રપતિ વ્લાદિમીર પુતિન અને ઉત્તર કોરિયાના નેતા કિમ જોંગ ઉન સાથે દાયકામાં એક વાર યોજાતી લશ્કરી પરેડમાં જાહેરમાં દેખાયા હતા જેનો હેતુ નવા શસ્ત્રોનું અનાવરણ કરવાનો અને ચીનના વધતા રાજદ્વારી પ્રભાવને ઉજાગર કરવાનો હતો. બીજા વિશ્વયુદ્ધમાં જાપાનની હારના 80 વર્ષ નિમિત્તે આયોજિત પરેડમાં, ત્રણેય નેતાઓ પહેલી વાર જાહેરમાં સાથે દેખાયા છે. એટલું જ નહીં આ પરેડમાં કુલ 26 રાષ્ટ્રપ્રમુખો જોવા મળ્યા હતા. પરેડ દરમિયાન રશિયાએ નવા શસ્ત્રોનું પ્રદર્શન કર્યું હતું.

ચીનના રાષ્ટ્રપતિ શી જિનપિંગે નોંધ્યું હતું કે ચીન અણનમ (અનરોપેબલ) છે. ચીની રાષ્ટ્રનું પુનર્જીવન અટવાઈ શકે નહીં અને માનવતાનું શાંતિ અને વિકાસનું કારણ જીતશે, શીએ ટેલિવિઝન પર પ્રસારિત ભાષણમાં તેમણે જણાવ્યું હતું કે માનવતા ફરીથી શાંતિ અથવા યુદ્ધ, સંવાદ અથવા મુકાબલો, અને જીત-જીત પરિણામો અથવા શૂન્ય-સમ રમતોના વિકલ્પનો સામનો કરી રહી છે. રાષ્ટ્રપતિએ વિશ્વભરના રાષ્ટ્રોને યુદ્ધના મૂળ કારણને દૂર કરવા અને ઐતિહાસિક દુર્ઘટનાઓ ફરી ન બને તે માટે હાકલ કરી. સામાન્ય સુરક્ષા ત્યારે જ સુરક્ષિત રહી શકે છે જ્યારે વિશ્વભરના રાષ્ટ્રો એકબીજા સાથે સમાન વર્તન કરે, સુમેળમાં રહે અને પરસ્પર એકબીજાને ટેકો આપે. શાશ્ર્વત શાંતિના એવન્યુ પર હજારો સૈનિકો અને નવા શસ્ત્રોનું નિરીક્ષણ કરતા શીએ સૈનિકોની સલામી ઝીલી હતી.

વિજય દિવસ પરેડમાં, ચીને પ્રથમ વખત તેની નવી DF-5C આંતરખંડીય વ્યૂહાત્મક પરમાણુ મિસાઇલ જાહેરમાં રજૂ કરી છે. આ મિસાઇલ પ્રવાહી-ઇંધણયુક્ત ટેકનોલોજી પર આધારિત છે અને તેના વર્ગની સૌથી અદ્યતન સિસ્ટમોમાંની એક છે. ગ્લોબલ ટાઈમ્સે ચીની સંરક્ષણ નિષ્ણાતોને ટાંકીને કહ્યું છે કે તેની રેન્જ 20,000 કિલોમીટરથી વધુ હોઈ શકે છે, જેનો સીધો અર્થ એ છે કે તે વિશ્વમાં ગમે ત્યાં સંપૂર્ણ વિનાશ કરી શકે છે.
સેનાએ YJ-શ્રેણીની હાઇપરસોનિક મિસાઇલો પણ રજૂ કરી, જેમાં YJ-15, YJ-17, YJ-19 અને YJ-20નો સમાવેશ થાય છે. યિંગ જી અથવા ઇગલ એટેક તરીકે ઓળખાતી, આ મિસાઇલો જહાજો અથવા વિમાનોમાંથી છોડવામાં આવી શકે છે અને મોટા દુશ્મન જહાજોને પાયમાલ કરવા માટે ડિઝાઇન કરવામાં આવી છે. આ ઉપરાંત પીએલએની હવામાં પ્રહાર કરી શકાય તેવી પરમાણું મિસાઇલ જેએલ-1 લશ્કરી ટ્રક પર રજુ કરી હતી. નવા શસ્ત્રોમાં અન્ડર વોટર ડ્રોન અને લેસર શસ્ત્રો પણ સામેલ હતા.

અમેરિકા વિરૂધ્ધ ષડયંત્ર બદલ પુતિન-કિમ જોંગ ઉનને શુભેચ્છા આપશો: જિનપિંગને સંદેશમાં ટ્રમ્પનો કટાક્ષ
અમેરિકન રાષ્ટ્રપતિ ડોનાલ્ડ ટ્રમ્પે હવે ચીન સામે મોરચો ખોલ્યો છે. તેમના ચીની સમકક્ષ શી જિનપિંગને લખેલા સંદેશમાં તેમણે ચીન પર અમેરિકા વિરુદ્ધ કાવતરું ઘડવાનો આરોપ લગાવ્યો છે. તેમણે રશિયન રાષ્ટ્રપતિ વ્લાદિમીર પુતિનનો પણ ઉલ્લેખ કર્યો છે. ટ્રમ્પે ટ્રુથ સોશિયલ પર લખ્યું, મોટો પ્રશ્ન જેનો જવાબ આપવાનો બાકી છે તે એ છે કે શું ચીનના રાષ્ટ્રપતિ શી અમેરિકાએ ચીનને વિદેશી આક્રમણકારોથી મુક્ત કરાવવા માટે આપેલા સમર્થન અને લોહીનો ઉલ્લેખ કરશે. ચીનના વિજય અને ગૌરવમાં ઘણા અમેરિકનો મૃત્યુ પામ્યા. મને આશા છે કે તેમની બહાદુરી અને બલિદાન માટે તેમનું સન્માન કરવામાં આવશે અને યાદ કરવામાં આવશે.ટ્રમ્પે આ સંદેશમાં ચીન પર પણ કટાક્ષ કર્યો છે. તેમણે આગળ લખ્યું, પરાષ્ટ્રપતિ શી અને ચીનના અદ્ભુત લોકો સારી રીતે ઉજવણી કરે છે. જ્યારે તમે અમેરિકા વિરુદ્ધ કાવતરું ઘડી રહ્યા છો, ત્યારે વ્લાદિમીર પુતિન અને કિમ જોંગ ઉનને મારી શુભકામનાઓ આપો.