મધ્ય-પૂર્વમાં યુધ્ધવિરામ: ઇરાન, ઇઝરાયેલ અને અમેરિકાને ચહેરો છૂપાવવાની તક
યુએસ પ્રમુખ ડોનાલ્ડ ટ્રમ્પની સ્પષ્ટ જાહેરાત સાથે, ઈઝરાયલ અને ઈરાન વચ્ચેનું યુદ્ધ હાલ પૂરતું બંધ થઈ ગયું છે. પરંતુ નિષ્ણાતો માને છે કે આ સમયે યુદ્ધ બંધ કરવાથી ઈઝરાયલ, ઈરાન અને અમેરિકા માટે પોતપોતાની જીતનો દાવો કરવાની તક સાબિત થઈ શકે છે. જો નિષ્ણાતોનું માનવું હોય તો, ઈરાનના પરમાણુ સ્થળોનો નાશ કરવામાં ઈઝરાયલ માટે આ એક સફળતા છે, અને ઈરાન દુશ્મનને કડક જવાબ આપવાનો ગર્વ પણ લઈ શકે છે. ઈન્ટરનેશનલ ક્રાઈસિસ ગ્રુપના ઈરાન ડિરેક્ટર અલી વાયેઝના મતે, ઈઝરાયલને મદદ કરવા માટે સીધા યુદ્ધમાં કૂદીને વિશ્વમાં સનસનાટી મચાવનાર અમેરિકા, છેલ્લી ક્ષણે બંને દેશો વચ્ચે યુદ્ધવિરામ કરાવીને મોટા સંઘર્ષને ટાળવાનો શ્રેય લઈ શકે છે.
ઈરાનની સુપ્રીમ નેશનલ સિક્યુરિટી કાઉન્સિલે સોમવારે એક કટોકટી બેઠક યોજી હતી, જેમાં અમેરિકન હુમલાનો જવાબ આપવા માટે એક રણનીતિ બનાવવામાં આવી હતી કારણ કે ઈરાને પોતાનો ચહેરો બચાવવાનો હતો. સુપ્રીમ લીડર આયાતુલ્લાહ ખામેનીએ બંકરની અંદરથી આ આદેશ જારી કર્યો હતો. પરંતુ તે જ સમયે તેમણે સ્પષ્ટ સૂચનાઓ આપી હતી કે તે ખૂબ જ મર્યાદિત હોવી જોઈએ જેથી અમેરિકા પર સીધો હુમલો કરવાની જરૂૂર ન પડે. ઈરાનની વ્યૂહરચના અસરકારક સાબિત થઈ. ટ્રમ્પે અગાઉથી ચેતવણી આપવા બદલ ઈરાની નેતૃત્વનો પણ આભાર માન્યો.
એટલું જ નહીં, આ હુમલાના થોડા કલાકો પછી, યુએસ રાષ્ટ્રપતિ ડોનાલ્ડ ટ્રમ્પે બંને દેશો વચ્ચે યુદ્ધવિરામની જાહેરાત પણ કરી. આ યુધ્ધમાંથી ત્રણેય પક્ષકારોએ કશુંક ગુમાવ્યું છે, અને થોડું મેળવ્યું છે. અમેરિકાના ઇનકાર છતાં, ઈરાનના પરમાણુ અને બેલિસ્ટિક મિસાઈલના ખતરાને તેની મદદ લઈને દૂર કરવામાં આવ્યો. ઇઝરાયલ ગાઝા પટ્ટીની પરિસ્થિતિ અંગે યુદ્ધ ગુનાઓના આરોપોથી ધ્યાન હટાવવામાં પણ સફળ રહ્યું. ઈરાન: ભલે આ યુદ્ધમાં ઈરાને ઘણું ગુમાવ્યું હોય, પણ યુદ્ધવિરામનો અમલ તેના માટે રાહતથી ઓછો નથી. પરંતુ દાયકાઓથી ઈસ્લામિક રિપબ્લિકના દુશ્મન રહેલા ઈઝરાયલને જોરદાર જવાબ આપવામાં તે તેની સફળતા કહી શકે છે. એક તરફ, અમેરિકાએ બોમ્બર દ્વારા ઈરાની પરમાણુ થાણાઓનો નાશ કરીને સમગ્ર વિશ્વને પોતાની શક્તિ બતાવી છે. ઈરાનના જવાબી હુમલામાં અમેરિકાને કોઈ મોટું નુકસાન થયું નથી અને હવે તે પશ્ચિમ એશિયામાં શાંતિનો મસીહા હોવાનો દાવો પણ કરી રહ્યું છે.