કેનેડાના PM જસ્ટિન ટ્રુડો-કેટી પેરીનું ઇલુઇલુ ફરી ચર્ચામાં
કેનેડાના ભૂતપૂર્વ વડા પ્રધાન જસ્ટિન ટ્રુડો અને જાણીતી અમેરિકન ગાયિકા કેટી પેરી વચ્ચેના કથિત પ્રેમ સંબંધો ફરી એકવાર ચર્ચામાં છે. તાજેતરમાં કેલિફોર્નિયાના સાન્ટા બાર્બરા નજીક કેટીની 24-મીટરની યાટ પર બંનેના નજીકથી લેવાયેલા ફોટા સોશિયલ મીડિયા પર વાયરલ થયા છે, જે ગયા મહિનાના હોવાનું માનવામાં આવે છે.
ટ્રુડોએ 2023 માં તેમની પત્ની સોફી સાથે 18 વર્ષના લગ્નજીવનનો અંત લાવ્યા પછી, અને કેટી પેરીએ અભિનેતા ઓર્લાન્ડો બ્લૂમ સાથે બ્રેકઅપ કર્યાના થોડા દિવસો પછી જ આ અફેરના અહેવાલો સામે આવ્યા હતા. જુલાઈ 2025 માં બંને કેનેડાના મોન્ટ્રીયલમાં એક રેસ્ટોરન્ટમાં ડિનર કરતા પણ જોવા મળ્યા હતા, જેણે તેમની રિલેશનશિપની અટકળોને મજબૂત કરી હતી.
કેનેડાના રાજકારણી અને પોપ સ્ટાર વચ્ચેના સંબંધોને હવે વાયરલ થયેલા ફોટાથી વધુ હવા મળી છે. જસ્ટિન ટ્રુડો અને કેટી પેરી કેલિફોર્નિયાના દરિયાકિનારે આવેલા સાન્ટા બાર્બરા નજીક કેટીની 24-મીટરની ખાનગી યાટ પર સાથે સમય વિતાવતા જોવા મળ્યા હતા. ઘટનાસ્થળે હાજર એક વ્યક્તિએ જણાવ્યું કે કેટીના હાથ પરના ટેટૂને ઓળખવામાં આવ્યું હતું, જેણે પુષ્ટિ આપી કે તે જસ્ટિન ટ્રુડો સાથે હતી. આ ફોટા બંને વચ્ચેની નિકટતા અને ખાનગી સમય વિતાવતા હોવાનો સંકેત આપે છે.
ટ્રુડો અને પેરી વચ્ચેના અફેરના સમાચાર કેટી પેરીના અભિનેતા ઓર્લાન્ડો બ્લૂમ સાથેના સત્તાવાર બ્રેકઅપ પછી તરત જ સામે આવ્યા હતા. જુલાઈ 2025 ની શરૂૂઆતમાં, પેરી અને બ્લૂમે એક સંયુક્ત નિવેદનમાં જાહેરાત કરી હતી કે તેઓ હવે પ્રેમ સંબંધમાં નથી, પરંતુ તેમની પુત્રી ડેઝીને સહ-માતા-પિતા તરીકે ઉછેરવાનું ચાલુ રાખશે.
કેટીના બ્રેકઅપના ગણતરીના દિવસોમાં જ, અહેવાલ મુજબ, કેટી પેરી અને જસ્ટિન ટ્રુડો કેનેડાના મોન્ટ્રીયલમાં આવેલી પ્રખ્યાત રેસ્ટોરન્ટ લે વાયોલોનમાં ડિનર કરતા જોવા મળ્યા હતા. આ મુલાકાતનો એક વીડિયો પણ સોશિયલ મીડિયા પર વાયરલ થયો હતો, જેમાં બંને એક જ ટેબલ પર સામસામે બેસીને વાતચીત કરતા હતા. જોકે, તે ખાનગી મુલાકાત જેવું લાગતું હતું, પણ તેમની આસપાસ સુરક્ષા ગાર્ડ્સ હાજર હતા, જે કાચની દિવાલ દ્વારા તેમની હિલચાલ પર નજર રાખી રહ્યા હતા.
ડિનર દરમિયાન, પેરી અને ટ્રુડોએ લોબસ્ટર સહિત વિવિધ વાનગીઓનો સ્વાદ માણ્યો હતો, પરંતુ બંનેમાંથી કોઈએ પણ આલ્કોહોલિક પીણાં પીધા નહોતા. ભોજન પછી, તેમણે રેસ્ટોરન્ટના રસોઇયા અને સ્ટાફનો આભાર માનવા માટે રસોડાની મુલાકાત પણ લીધી હતી.