અમેરિકામાં મોટું કૌભાંડ: ભારતીય મૂળના CEOએ 4000 કરોડની કરી છેતરપિંડી

અમેરિકાની એક ટેલિકોમ્યુનિકેશન કંપની અચાનક ચર્ચામાં આવી છે. તેનું કારણ 500 મિલિયન ડોલર અથવા આશરે 4,000 કરોડ રૂપિયાના કથિત નાણાકીય કૌભાંડ છે. આ વિવાદના કેન્દ્રમાં ભારતીય મૂળના સીઈઓ બંકિમ બ્રહ્મભટ્ટ છે, જે અમેરિકામાં બ્રોડબેન્ડ ટેલિકોમ અને બ્રિજવોઇસ જેવી કંપનીઓના માલિક છે. બંકિમ બ્રહ્મભટ્ટ પર $500 મિલિયન (₹4,000 કરોડથી વધુ) ની મોટા નાણાકીય છેતરપિંડીનો આરોપ છે. બ્રહ્મભટ્ટે નકલી બેન્ક એકાઉન્ટને નામે અમેરિકન બેંકો પાસેથી મોટી લોન મેળવી હતી.

HPS એ સપ્ટેમ્બર 2020 માં બ્રહ્મભટ્ટની એક કંપનીને ધિરાણ આપવાનું શરૂ કર્યું, અને 2021 ની શરૂઆતમાં આ રકમ ધીમે ધીમે વધીને $385 મિલિયન અને ઓગસ્ટ 2024 સુધી $385 મિલિયન અને ઓગસ્ટ 2024 સુધીમાં $430 મિલિયન થઈ ગઈ. તેમની કંપનીઓએ હવે પ્રકરણ 11 નાદારી સુરક્ષા માટે અરજી કરી છે.

આ ઘટના બાદ બંકિમ બ્રહ્મભટ્ટ ફરાર થયા છે. તેમના ન્યૂયોર્કના ઘેર તાળું લટકતું જોવા મળ્યું છે. હાલ પુરતું તો આ કૌભાંડને કારણે દુનિયામાં ચકચાર મચી છે.

અમેરિકન અખબાર વોલ સ્ટ્રીટ જર્નલ (WSJ)ના એક અહેવાલ મુજબ, બ્લેકરોક ઇન્ક.નું એકમ, જે વિશ્વની સૌથી મોટી રોકાણ કંપનીઓમાંની એક છે, અને અન્ય ઘણા મોટા ધિરાણકર્તાઓ હવે બ્રહ્મભટ્ટ પાસેથી લાખો ડોલર વસૂલવાનો પ્રયાસ કરી રહ્યા છે. આ ધિરાણકર્તાઓએ ઓગસ્ટમાં દાવો દાખલ કર્યો હતો, જેમાં દાવો કરવામાં આવ્યો હતો કે બ્રહ્મભટ્ટની કંપનીઓએ તેમને 500 મિલિયન ડોલરથી વધુ દેવાના છે.