બલૂચિસ્તાનમાં પાકિસ્તાની આર્મી પર વધુ એક હુમલો: 12 જવાનોનાં મોત
બલૂચિસ્તાનમાં પાકિસ્તાની સેનાની ગાડી પર હુમલાનો મામલો સામે આવ્યો છે. કહેવાય છે કે, બલૂચિસ્તાન લિબરેશન આર્મીએ પાકિસ્તાની સેનાની ગાડી પર એટેક કર્યો છે. આ બ્લાસ્ટમાં 12 પાકિસ્તાની સૈનિકોના મૃત્યુ થયા છે. હાલમાં વધારે જાણકારીની રાહ જોવાઈ રહી છે.
આ અગાઉ પણ બીએલએએ પાકિસ્તાની સેનાના ટાર્ગેટ કરતા હુમલો કર્યો હતો. જેમાં કેટલાય પાકિસ્તાની સૈનિકોના મૃત્યુ થયા હતા. આ હુમલો કેચ જિલ્લાના કિલાગ વિસ્તારમાં થયો હતો. જ્યાં પાકિસ્તાની સેનાની ટીમને ટાર્ગેટ બનાવી હતી.
બલૂચિસ્તાનને લઈને પાકિસ્તાનના પૂર્વ પ્રધાનમંત્રી શાહિદ ખાકાન અબ્બાસીએ કહ્યું કે, બલૂચિસ્તાન એક બેલગામ ઘોડાની માફક છે, જેના પર હવે પાકિસ્તાનની કોઈ પકડ નથી રહી અને આ રાતના સમયે વધાર બેલગામ થઈ જાય છે.
બલૂચ લિબરેશન આર્મીના સ્પેશિયલ ટેક્ટિકલ ઓપરેશન્સ સ્ક્વોડ (જઝઘજ) એ બોલાનના માચ કુંડ વિસ્તારમાં રિમોટ-કંટ્રોલ્ડ ઈંઊઉ વડે એક મોટો વિસ્ફોટ કર્યો. આ વિસ્ફોટ દ્વારા તેઓએ પાકિસ્તાની સેનાના વાહનને નિશાન બનાવ્યું, જેમાં 12 સૈનિકોના મૃત્યુ થયા. આ હુમલો ત્યારે કરવામાં આવ્યો જ્યારે સૈનિકો લશ્કરી કાર્યવાહી માટે જઈ રહ્યા હતા.
પાકિસ્તાનના દક્ષિણ-પશ્ચિમ પ્રાંત બલુચિસ્તાનના કાચી જિલ્લાના માચ વિસ્તારમાં સુરક્ષા દળોના વાહન પર ઈંઊઉ થી હુમલો કરવામાં આવ્યો હતો. આ હુમલો મંગળવારે કરવામાં આવ્યો હતો. પરંતુ હુમલાના ફૂટેજ હવે સોશિયલ મીડિયા પર સામે આવ્યા છે. ફૂટેજમાં જોવા મળે છે કે વિસ્ફોટ પછી, વાહનમાં સવાર સૈનિકો હવામાં ઘણા મીટર ઉડી ગયા હતા. સૈનિકોના પણ ટુકડા થઈ ગયા.
