ઇન્ડોનેશિયામાં 6.1ની તીવ્રતાનો ભૂકંપ, સુનામીનો ખતરો નથી

ઈન્ડોનેશિયામાં ભૂકંપના જોરદાર આંચકા અનુભવાયા છે. ભૂકંપની તીવ્રતા 6.1 હતી અને તેનું કેન્દ્ર ઉત્તર સુલાવેસી પ્રાંત નજીક દરિયાકિનારે હતું.માહિતી અનુસાર, ભૂકંપ 10 કિલોમીટર (6.2 માઇલ) ની ઊંડાઈએ આવ્યો હતો. રાહતની વાત છે કે સુનામીનો કોઈ ખતરો નથી. રાજ્ય ભૂસ્તરશાસ્ત્રીય સર્વેએ જણાવ્યું હતું કે નુકસાન અથવા જાનહાનિના કોઈ તાત્કાલિક અહેવાલો નથી.

ઈન્ડોનેશિયા રિંગ ઓફ ફાયર નામની જગ્યાએ સ્થિત છે, જ્યાં પૃથ્વીની ઘણી ટેક્ટોનિક પ્લેટો મળે છે. આ કારણોસર, આ વિસ્તાર ભૂકંપ અને જ્વાળામુખીની ગતિવિધિઓની દ્રષ્ટિએ અત્યંત સંવેદનશીલ માનવામાં આવે છે.

જાન્યુઆરી 2021માં સુલાવેસીમાં આવેલા 6.2 તીવ્રતાના ભૂકંપમાં 100થી વધુ લોકો માર્યા ગયા હતા.

અને હજારો લોકો બેઘર થયા હતા. અગાઉ 2018 માં, સુલાવેસીના પાલુમાં 7.5 તીવ્રતાનો ભૂકંપ અને ત્યારબાદ સુનામીમાં 2,200 થી વધુ લોકો માર્યા ગયા હતા. 2004 માં, આચે પ્રાંતમાં 9.1 તીવ્રતાનો ભૂકંપ આવ્યો, જેના કારણે સુનામી આવી અને ઇન્ડોનેશિયામાં 170,000 થી વધુ લોકો માર્યા ગયા હતા.