ઇઝરાયેલી હુમલા વચ્ચે ઇરાનમાં 5.1ના ભૂકંપથી ભારે ગભરાટ

ઇઝરાયલ સાથે ઈરાનનો મુકાબલો ચાલુ છે અને ઇઝરાયલ સતત ઈરાન પર હુમલો કરી રહ્યું છે, જેનો ઈરાન પણ જવાબ આપી રહ્યું છે. આ સમગ્ર ઘટના વચ્ચે શુક્રવારે મોડી રાત્રે ઈરાનમાં ભૂકંપ આવ્યો. તે જ સમયે, આ ભૂકંપે એવા પ્રશ્નો પણ ઉભા કર્યા કે શું ઈરાન પરમાણુ પરીક્ષણ કરી રહ્યું છે?

ખરેખર, ઈરાનમાં આ ભૂકંપ 20 જૂને સ્થાનિક સમય મુજબ રાત્રે 9:19 વાગ્યે આવ્યો હતો. એ પણ નોંધનીય છે કે ઇઝરાયલી વડા પ્રધાન બેન્જામિન નેતન્યાહૂએ ઈરાનના પરમાણુ મથકોનો નાશ કરવાની પ્રતિજ્ઞા લીધી છે. તેમનું કહેવું છે કે જો ઈરાન પરમાણુ બોમ્બ બનાવે છે, તો ઇઝરાયલનું અસ્તિત્વ જોખમમાં મુકાઈ જશે.
યુરોપિયન-મેડિટેરેનિયન સિસ્મોલોજિકલ સેન્ટર (EMSC) દ્વારા આપવામાં આવેલી માહિતી અનુસાર, ઈરાનમાં આ ભૂકંપ સેમનાનથી 35 કિલોમીટર નીચે હતો. આ સમય દરમિયાન, ભૂકંપ એટલો જોરદાર હતો કે તેના આંચકા ઉત્તર ઈરાનના ઘણા ભાગોમાં અનુભવાયા હતા. ભૂકંપની માહિતી મળતાની સાથે જ એકસ પર પરમાણુ પરીક્ષણ ટ્રેન્ડિંગ શરૂૂ થયું અને વપરાશકર્તાઓએ પોતાની અટકળો લગાવવાનું શરૂૂ કર્યું. કેટલાક વપરાશકર્તાઓએ કહ્યું કે જો પરમાણુ પરીક્ષણ સાચું છે, તો હવે અમેરિકા પણ દેશમાં પ્રવેશતા ડરશે.