Covid-19 / ઝડપથી ફેલાઈ રહ્યો છે કોરોના, ગત 1 મહિનામાં સમગ્ર વિશ્વમાં 52 % વધ્યા કેસ, WHOએ આપી ચેતવણી

સમગ્ર વિશ્વમાં કોરોનાના કેસે ગતિ પકડી છે. WHO અનુસાર, ગત એક મહિનામાં જ વિશ્વમાં કોવિડના નવા કેસોમાં 52 %નો વધારો થયો છે અને આ સમયગાળા દરમિયાન 8 લાખ 50 હજારથી વધુ કેસ નોંધાયા છે.

28 દિવસમાં કોરોનાથી 3000થી વધુ લોકોના થયા મોત

વર્લ્ડ હેલ્થ ઓર્ગેનાઈઝેશન (WHO)એ જણાવ્યું કે, ગત 28 દિવસમાં કોરોનાને કારણે 3000 થી વધુ લોકોના મોત થયા છે. જો કે, આ સમયગાળા દરમિયાન નવા મૃત્યુની સંખ્યામાં 8 %નો ઘટાડો થયો છે. આ સિવાય WHOએ કહ્યું કે વૈશ્વિક સ્તરે 52 ટકાના વધારા સાથે કોરોનાના 1 લાખ 18 હજાર કેસ નોંધાયા છે.

JN.1 વેરિઅન્ટના કેસમાં પણ વધારો

કોરોનાના નવા પ્રકાર, JN.1ના કેસમાં પણ વધારો જોવા મળી રહ્યો છે. આ વેરિઅન્ટના કેસ વૈશ્વિક સ્તરે પણ વધી રહ્યા છે. જો કે, JN.1 સ્વાસ્થ્યને વધુ નુકસાન પહોંચાડે તેવી અપેક્ષા નથી.