Parliament Security / સંસદ સુરક્ષા ચૂક મામલે 2 આરોપીઓની કરાઈ ધરપકડ, સ્પેશિયલ સેલની પૂછપરછ શરૂ

દિલ્હી પોલીસના સ્પેશિયલ સેલે સંસદ સુરક્ષા ભંગ કેસમાં 2 અન્ય લોકોની પણ ધરપકડ કરી છે. પોલીસને આશંકા છે કે આ બંને આરોપીઓના મુખ્ય આરોપીઓ સાથે કોઈ સંબંધ છે.ધરપકડ કરવામાં આવેલ આરોપીઓની ઓળખ મહેશ અને કૈલાશ તરીકે થઈ છે. હાલમાં સ્પેશિયલ સેલ આ બંને આરોપીઓની સતત પૂછપરછ કરી રહી છે. આ અંગે જાણકારી દિલ્હી પોલીસે આપી છે.

સરેન્ડર પહેલા સળગાવી દીધા ફોન

સંસદ ભવનની સુરક્ષાનો ભંગ કરનાર મુખ્ય સૂત્રધાર લલિત ઝાએ દિલ્હી પોલીસ સમક્ષ સરેન્ડર કર્યું હતું. પોલીસ સૂત્રોએ જણાવ્યું હતું કે, સંસદની સુરક્ષા ભંગના કેસમાં પાંચમા આરોપી અને માસ્ટરમાઇન્ડ લલિત ઝાએ રાજસ્થાનના કુચમન ભાગી ગયા બાદ તેના મિત્ર મહેશ સાથે તેના ઘણા સહયોગીઓના મોબાઈલ ફોન સળગાવી દીધા હતા.

હકીકતમાં લલિતના સહયોગીઓએ તેમના મોબાઈલ તેને આપી દીધા હતા, જેથી પોલીસને વધુ તપાસમાં પુરાવા ન મળી શકે.