For the best experience, open
https://m.gujaratmirror.in
on your mobile browser.
Advertisement

હરી ઘવા રોડ પર લુખ્ખા શખ્સોનો આતંક: અમૂલ પાર્લરમાં તોડફોડ કરી વેપારીનો હાથ ભાંગી નાખ્યો

04:59 PM Apr 27, 2024 IST | Bhumika
હરી ઘવા રોડ પર લુખ્ખા શખ્સોનો આતંક  અમૂલ પાર્લરમાં તોડફોડ કરી  વેપારીનો હાથ ભાંગી નાખ્યો

શહેરના હરી ઘવા મેઇન રોડ પર લૂખ્ખા શખ્સોએ આંતક મચાવી અમૂલ પાર્લરમાં તોડફોડ કરી વેપારી વૃદ્ધનો હાથ ભાંગી નાખ્યો હતો. રાત્રે દુકના પાસે ગાળો બોલતા શખ્સોને ટપારતા ‘હમણા આવુ છુ’ કહી બાદમાં ધોકા સાથે આવી ત્રણ શખ્સોએ ધમાલ મચાવી હતી. આ અંગે પોલીસે ગુનો નોંધી સીસીટીવી ફૂટેજના આધારે આરોપીઓની શોધખોળ હાથ ધરી છે.

Advertisement

જાણવા મળતી વિગત મુજબ હરી ઘવા મેઇન રોડ પર રહેતા રાઘવભાઇ નાથાભાઇ ગાજીપરા (ઉવ.63)એ ભક્તિનગર પોલીસ મથકમાં નોંધાવેલી ફરિયાદમાં જણાવ્યા મુજબ તેમના પુત્ર કાર્તિકને ઘરની નીચે અમુલ કુલ ક્રીમ પાર્લર આવેલું છે. ગત રાત્રે 10 વાગ્યાના અરસામાં તેઓ પુત્ર સાથે દુકાને હતા ત્યારે અજાણ્યા શખ્સોને રોડ ઉપર કોઇ સાથે ઝઘડો થતા તેઓ દુકાન પાસેથી ગળો બોલતા નીકળતા તેમને ગાળો બોલવાની ના પાડી હતી. જેથી એક શખ્સે હમણા આવુ છુ તેમ કહી ગયા બાદ થોડી વાર બાદ બાઇક અને કારમાં અજાણ્યા શખ્સો ધોકા લઇ ધસી આવ્યા હતા.

આરોપીઓએ દુકાનમાં ધોકા વડે તોડફોડ કરી કાચના થડામાં તેમજ ઓવન મશીન અને ચોકલેટ રાખવાના ફ્રીઝમાં તોડફોડ કરી રૂા.30 હજારનું નુકશાન કર્યું હતુ તથા ફરિયાદીએ આરોપીને રોકવા જતા આરોપીએ ફરિયાદના હાથમાં લાકડી મારી દેતા હાથમાં ફેક્ચર થઇ ગયું હતું. બાદમાં ત્રણેય શખ્સો તોડફોડ કરી નાશી છૂટયા હતા. આ અંગે ભકિતનગર પોલીસે રાઘવભાઇની ફરિયાદ પરથી અજાણ્યા ત્રણ શખ્સો સામે ગુનો નોંધી સીસીટીવી ફૂટેજના આધારે આરોપીઓની શોધખોળ હાથ ધરી છે.

Advertisement

Advertisement
Tags :
Advertisement
Advertisement