જામનગરના તબિબ દપંતીની પુત્રી યશ્વી સાતાને નવ ગોલ્ડ મેડલ અને 11 પ્રાઈઝ એનાયત થશે

જામનગર ખાતે ગુરુ ગોવિંદસિંહ હોસ્પીટલમાં ઓર્થોપેડિક વિભાગના વડા તરીકે સેવા આપતા ડો. વિજયભાઈ સાતા તથા ગાયનેક ક્ષેત્રે તબીબી સેવા આપતા ડો. નીતાબેન માંઢાઈ સાતાની સુપુત્રી કુ. યશ્વી સાતા કે જે હાલ જામનગરની એમ.પી. શાહ મેડિકલ કોલેજની વિદ્યાર્થીની છે, તેમને આગામી રવિવાર તારીખ 10 ના રોજ રાજકોટ ખાતે સૌરાષ્ટ્ર યુનિર્વસિટીના પદવીદાન સમારોહ કે જે ગુજરાત રાજ્યના રાજ્યપાલ શ્રી દેવવ્રત આચાર્યની ઉપસ્થિતીમાં યોજાનાર છે, તેમાં યશ્વી સાતાને એમ.બી.બી.એસ.માં સૌથી વધુ 9 ગોલ્ડ મેડલ અને 11 પ્રાઇઝ એનાયત થનાર છે.આમ, જામનગરની કુ. યશ્વી સાતાએ સમગ્ર હાલારમાં તબીબી ક્ષેત્રે પ્રથમ હરોળનું સ્થાન પ્રાપ્ત કર્યું છે. જેને બ્રહ્મ સમાજ સાથે આ પંથકનું ગૌરવ માનવામાં આવે છે.