મહેશગીરીના આક્ષેપમાં સત્ય શું? પંચદશનામ જૂના અખાડાની સમિતિ તપાસ કરશે

અખાડાના આચાર્ય મહામંડલેશ્ર્વર સ્વામી અવધેશાનંદગીરી મહારાજના પ્રમુખ સ્થાને 11 સભ્યોની સમિતિ

જૂનાગઢમાં છેલ્લા ઘણા સમયથી અંબાજી મંદિર ભવનાથ મંદિરના મહંતને લઈ વિવાદ ચાલી રહ્યો છે. ત્યારે દિવસેને દિવસે સાધુ, સંતો અને રાજકારણીઓ પોતાના નિવેદનો આપી રહ્યા છે. જેને લઇ ત્રણ દિવસ પહેલાં જ જૂનાગઢ તંત્ર દ્વારા ગિરનાર પર આવેલા ગુરુદત્તાત્રેય અંબાજી અને ભીડ ભંજન મંદિરનો વહીવટ મામલતદારને સોંપવામાં આવ્યો છે. ત્યારે વિવાદને લઈ મહેશગિરિની તપાસ માટે જૂના અખાડા દ્વારા 11 સભ્યોની સમિતિ બનાવવામાં આવી છે.

આ સમિતિ દ્વારા કહેવામાં આવ્યું છે કે, મહેશગિરિના દાવા ખોટા છે. તમામ ઋષિ-મુનિઓ, મહંત હરિગિરિ મહારાજની સાથે છે. મહેશગિરિના દાવા અને આરોપોની તપાસ માટે જૂના અખાડાની સમિતિની રચના કરવામાં આવી છે. સમિતિના આશ્રયદાતા આચાર્ય મહામંડલેશ્વર સ્વામી અવધેશાનંદ ગિરિ મહારાજ છે. અને પ્રમુખ મહંત મોહન ભારતી મહારાજ છે. મહંત નારાયણગિરિ મહારાજ સહિત 11 સભ્યોની સમિતિ બનાવવામાં આવી છે. જે સમિતિ મહેશગિરિને લઈ તપાસ હાથ ધરશે.

દૂધેશ્વર પીઠાધીશ્વર અને પંચ દશનામ જૂના અખાડાના આંતર રાષ્ટ્રીય પ્રવક્તા અને સમિતિના સભ્ય મહંત નારાયણગિરિ મહારાજે જણાવ્યું હતું કે, સમિતિના આશ્રય દાતા અખાડાના આચાર્ય મહા મંડલેશ્વર સ્વામી અવધેશાનંદ ગિરિ મહારાજ અને પ્રમુખ છે. મહંત મોહન ભારતી મહારાજ છે. તેઓ ઉપરાંત મહામંડલેશ્વર સ્વામી કપિલ પુરી મહારાજ, મહામંડલેશ્વર સ્વામી મહેશાનંદ ગિરિ મહારાજ, મહંત ગણપતગિરિ મહારાજ, મહંત કેદાર પુરી મહારાજ, મહંત સિદ્ધેશ્વર યેતિ મહારાજ, મહંત આનંદગિરિ મહારાજ, મહંત શિવાનંદ સરસ્વતી મહારાજ, મહંત શિવાનંદ સરસ્વતી મહારાજ વગેરે ઉપસ્થિત રહ્યા હતા. તેમજ મહંત નિરંજન ભારતી મહારાજ અને તેમને સભ્ય બનાવવામાં આવ્યા છે.
મહંત નારાયણગિરિ મહારાજે જણાવ્યું કે, જ્યારે અમૃતગિરિ મહારાજે કમંડલ કુંડની સંભાળ લેવાની સંપૂર્ણ જવાબદારી મહેશગિરિને આપી ત્યારે તેઓ પોતાની જવાબદારી છોડીને ભાગી ગયા હતા અને ગૃહસ્થ જીવન અપનાવ્યું હતું. જે બાદ તેઓ દિલ્હીમાં ચૂંટણી લડ્યા અને સાંસદ બન્યાં હતા.

હવે ફરી એકવાર સન્યાસ અપનાવીને, ભૂતનાથ મંદિર પર કબજો જમાવવાના ઈરાદાથી મહેશગિરિએ તેના પર પોતાનો દાવો જ નથી મૂક્યો, પરંતુ ખોટી રીતે પોતાને સાધુ જાહેર કર્યા છે. હાલ ગુજરાત સરકારે કમંડલ કુંડ, ચરણ પાદુકા અને અંબાજી મંદિરનો કબ્જો લીધો છે. જેના માટે તમામ સંતો અને ઋષિઓ ગુજરાત સરકારનો આભાર માને છે. મહેશગિરિના કારણે સ્વયંસેવક તરીકે કામ કરનારાઓને પણ સેવા કાર્યથી વંચિત રહેવું પડ્યું હતું. કમંડલ કુંડ ચરણ પાદુકા અંબાજી મંદિર, ભૂતનાથ મહાદેવ મંદિર, ભવનાથ મહાદેવ મંદિર, દૂધેશ્વરનાથ મહાદેવ મંદિર, મુચકંદ મંદિર, આ બધાં જૂના અખાડા પરંપરાનાં મંદિરો છે. દેશ અને વિદેશમાં જૂના અખાડાના તમામ મંદિરોની માલિકી માત્ર ભગવાન દત્તાત્રેયની છે, જે જૂના અખાડાના પ્રમુખ દેવ પણ છે. આ મંદિરોના મહામંડલેશ્વર, મહંત અને મહંત તેમની દેખભાળ માટે જ છે. આ તમામ મિલકત જાહેર છે અને જૂના અખાડાની પરંપરાની છે. કોઈપણ સંત આને પોતાની અંગત મિલકત તરીકે દાવો કરીને તેનો કબજો લઈ શકે નહીં.અખાડાના પ્રવક્તાએ કહ્યું હતું કે, આટલું બધું હોવા છતાં મહેશગિરિએ પોતાની જવાબદારીઓથી ભાગીને પહેલા પારિવારિક જીવન અપનાવ્યું, ચૂંટણી લડી અને હવે અચાનક ફરી સાધુ બનીને ભૂતનાથ મહાદેવને પકડવા માટે પોતાને મહંત જાહેર કર્યા છે.

અને પોતાના શિષ્યને પણ પોતાનો ઉત્તરાધિકારી બનાવ્યો, તેથી આના પરથી સ્પષ્ટ થાય છે કે, આ કોઈ ષડયંત્ર અને ષડયંત્ર હેઠળ થઈ રહ્યું છે. શું છે આ ષડયંત્ર અને ષડયંત્ર અને તેની પાછળ કોણ કોણ છે, જૂના અખાડાની આ કમિટી આ તમામની તપાસ કરશે અને બધાની સામે દૂધનું દૂધ અને પાણીનું પાણી કરશે.

જૂના અખાડાના પ્રવક્તા નારાયણ ગિરિએ જૂનાગઢમાં ચાલતા વિવાદને લઈ જણાવ્યું હતું કે કહેવાય છે ને કે વિનાશ કાળે વિપરીત બુદ્ધિ, રૂૂખડ સુખડ સાધુઓના જે દાણા પાણી હતા તે પણ મહેશગિરિએ ખતમ કરી દીધા છે.હાલ દત્તાત્રેય મંદિર અંબાજી મંદિર તંત્ર દ્વારા પોતાના હસ્તક લેવામાં આવ્યું છે. હાલ જૂના અખાડા નું ભુતનાથનું મંદિરમાં પહેલા જ મહંત બનાવી ગયા હતા યા મહેશગિરિએ જબરજસ્તી કબજો કરી લીધો છે. જૂનાગઢ કોઈપણ વ્યક્તિની સંપત્તિ નથી.
જૂનો અખાડો હંમેશા હરિગિરિ મહારાજ સાથે છે. આગામી સમયમાં પંચ દશનામ જૂના અખાડા કોર્ટમાં જશે અને આ કોઈ વ્યક્તિની સંપત્તિ નથી પરંતુ આ જૂના અખાડાની પરંપરાની સંપત્તિ છે. અરે સાધુ સંતોના આશીર્વાદથી દત્તાત્રેય મંદિર અને અંબાજી મંદિર પર ફરી કમંડળ કુંડ, દત્તાત્રેય મંદિર અને અંબાજી મંદિર નાના અને મોટા પીર ફરી મહંત બનશે. આ ભગવાન દત્તાત્રેયનો પરિવાર છે કોઈ વ્યક્તિ વિશેષ પરિવાર નથી.

આ ગાદી ઉપર સાધુનો હક: સ્વામી બજરંગદાસજી
જૂનાગઢ ખાતે અંબાજી મંદિર, ભીડભંજન મંદિરના મહંત સંત સુખરી બ્રહ્મ થતા તેની પાછળ ગાદીના કબ્જા અંગે વેરાવળના ભાલકા ખાતે આવેલ મહામંડલેશ્વર સ્વામી બજરંગદાસજી દ્વારા રાજયના મુખ્યમંત્રીને રજૂઆત કરી સંત સુખરીના પરીવાર ખુસાઇ સાધુનો હક થાય તેમ જણાવી અંગેની જાણ જૂનાગઢ કલેકટકરને કરેલ હોવાનું યાદીમાં જણાવેલ છે.