વેરાવળ એસ.ટી. ડેપોને દિવાળી ફળી: 15 દિવસમાં 21.83 લાખની થઇ આવક

ગુજરાત રાજ્ય માર્ગ વ્યવહાર નિગમ વેરાવળ દ્વારા દિવાળીના તહેવારને ધ્યાને લઇને સમગ્ર ગુજરાતના અલગ અલગ જિલ્લાઓમાં મુસાફરોને તેમના વતન જવા અને આવવા માટે તા. 15 ઓક્ટોબરથી 29 ઓક્ટોબર સુધી વેરાવળ એસ.ટી. વિભાગ દ્વારા વધારાની બસો નુ સંચાલન કરવાનું આયોજન કરાયું હતું.

વેરાવળ એસ.ટી.ડેપો મેનેજર દિલીપ શામળા એ જણાવ્યું હતું કે, દિવાળીના તહેવારોમાં લોકો એ પોતાના વતન તથા સ્નેહીજનો ને ત્યાં જવા માટે તથા હરવા ફરવા માટે એસ.ટી. બસ નો ભરપૂર ઉપયોગ કર્યો હતો, જેના કારણે આ સમયગાળા દરમિયાન વેરાવળ એસ.ટી. વિભાગને રૂૂ.21.83 લાખ કરતાં વધારે આવક થઇ હતી. 172 બસ દ્વારા 471 ટ્રીપ કરી હતી. જેમાં 19,176 મુસાફરોએ લાભ લીધો હતો. વેરાવળ ડેપોનો આવકનો લક્ષ્યાંક રૂૂપિયા 16,20,000નો હતો. તેની સામે આવક વધીને રૂૂપિયા 21,83,111ની આવક થઇ છે. વેરાવળ એસ.ટી.ડેપોના મહતમ સંચાલન થકી મહતમ આવક મેળવવા બદલ તમામ ડ્રાઇવર, કંડકટર, ટ્રાફિક મેકેનિક સુપર વાઇઝર, ટ્રાફિક મેકેનિક તેમજ વહીવટી સ્ટાફે જહેમત ઉઠાવી હતી.