મુંબઈથી દારૂનો જથ્થો લઈને ભાવનગર આવેલી બે મહિલા ઝડપાઈ

68 બોટલ સહિતનો મુદ્દામાલ જપ્ત કરાયો

ભાવનગરશહેરના નારી ચોકડી પાસે વિદેશી દારૂૂનો જથ્થો લઈ ઉભેલી આડોડીયાવાસની બે મહિલાની વરતેજ પોલીસે ધરપકડ કરી લઈ તેના કબજામાંથી વિદેશી દારૂૂની નાની મોટી 68 બોટલ અને 15 બિયર ટીન કબ્જે કરી પુછપરછ કરતા બન્ને ભાવનગરમાં છુટક વેંચાણ કરવા મુંબઈથી દારૂૂ-બિયર લઈને આવ્યા હોવાની કબુલાત આપી હતી. પ્રાપ્ત થતી માહિતી મુજબ વરતેજ પોલીસ સ્ટાફ પેટ્રોલીંગમાં હતો. તે વેળાએ બાતમી મળી હતી કે, શહેરના આડોડીયાવાસ વિસ્તારમાં રહેતી બે મહિલા બહારથી વિદેશી દારૂૂનો જથ્થો લાવી હાલ નારી ચોકડી, સદગુરુ કોમ્પ્લેક્ષ પાસે ઉભી છે.

જે હકીકત આધારે રેડ કરી નારી ચોકડી પાસેથી બે થેલા સાથે શંકાસ્પદ રીતે ઉભેલા મીનાબેન છગનભાઈ રાઠોડ (ઉ.વ. 40, રે. તિલકનગર, મહાવિરનગર, આડોડીયાવાસ) અને રીટાબેન સુદેશભાઈ રાઠોડ (ઉ.વ. 50, રે. તિલકનગર, હતી.મહાવિરનગર, આડોડીયાવાસ) મળી આવતા બન્નેની અટક કરી બન્નેના કબજામાં રહેલા થેલાની તલાશી લેતા તેમાંથી વિદેશી દારૂૂની નાની મોટી 68 બોટલ તેમજ 15 બિયર ટીન મળી આવતા કબ્જે કરી પુછપરછ કરતા ભાવનગરમાં છુટક વેંચાણ કરવા અર્થે મુંબઈથી દારૂૂ-બિયર લઈને આવ્યા હોવાની કબુલાત આપતા પોલીસે બન્ને મહિલા સામે ગુનો દાખલ કરી ધોરણસર કાર્યવાહી હાથ ધરી હતી.