ગોપાલ પાર્કમાં એક લાખના દારૂ સાથે બે શખ્સ ઝડપાયા

રાજકોટ શહેરમાં મવડી વિસ્તારમાં અંકુરનગર મેઇન રોડ પર ગોપાલ પાર્કમાં એક મકાનમાં દારૂનો જથ્થો ઉતારાતો હોવાની બાત્તમી મળતા ક્રાઇમ બ્રાન્ચના સ્ટાફે દરોડો પાડી દારૂની 384 બોટલ સહિત રૂા.4.23 લાખના મુદ્દામાલ સાંજે બે શખ્સોને ઝડપી લીધા હતા. આ બનાવ અંગે દારૂનો જથ્થો કયાંથી લાવ્યા? તે પુછપરછ કરવામાં આવી રહી છે.

બનાવની વિગતો અનુસાર, ક્રાઇમ બ્રાન્ચના એએસઆઇ ફીરોઝભાઇ શેખ, હીરેનભાઇ સોલંકી અને સ્ટાફ પેટ્રોલીંગમાં હતો. ત્યારે બાત્તમીને આધારે મવડીના અંકુરનગર મેઇન રોડ ગોપાલ પાર્કમાં રહેતા મુસ્તાક કરીમ નોયડા મિત્ર પ્રતિક ઉર્ફે કાળીયો અરવિંદ પરમાર સાથે મળી ઇકો કારમાંથી મકાનમાં દારૂ ઉતારતા હોય જેથી દરોડો પાડી બંન્નેને ઇકો કાર અને વિદેશી દારૂની રૂા.1.09 લાખની અને ઇકો અને મોબાઇલ સહિત રૂા.4.23 લાખનો મુદ્દામાલ કબજે કર્યો હતો. આ દારૂનો જથ્થો કોણે આપ્યો? એ અંગે હાલ બંન્નેની પુછપરછ કરવા તજવીજ શરૂ કરી છે.